Vafilipi 2:9 - KITABU KITAKATIFU

⁹ Kigira yaga Nyasaye ya mu kuminya ligali, na a mu ha lieta li veye igulu wameta gosi;

Vafilipi 2:9 Iomraidhean Croise

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Zaburi 110:1

Yahova a volera Mwami wange, Wikale ha mukono gwange mulungi, Kuduka lwa mbika avasigu vovo kuva intebe yevirenge vivyo.

Zaburi 110:5

Mwami u veye ha mukono gugwo mulungi A duvaduva avami mu lidiku lyobutima bwibwe.

Zaburi 89:27

Kandi nda mu kola kuva wokutanga kwivulwa wange, Na munene ku avami velirova.

Zaburi 91:14

Kigira u viki ubuyanzi bwibwe ku inze, kunangwa nda mu honnya: Nda mu vika higulu kigira a manyi lieta lyange.

Isaya 52:13

Henza, mutumekiri wange a la kola nobugeeri, a la kuminywa nokugingwa igulu, a la va igulu ligali.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 13:3

Yesu ya li na a manya Dada wewe u mali kumuha vindu vyosi mu makono gege, kandi ya twula ku Nyasaye kandi a tsia ku Nyasaye,

Yohana 17:11

Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:12

Lwa nda li navo halala, nda va denda ku lieta lilyo va wa mpa: kandi nda va linda, kandi si ha veye nomulala kuvo wa gota, navutswa mwana wobudivi; amang'oda ga duke kudukidzwa.

Yohana 17:5

Nive kalunu u mbuminye, Dada, halala nive mwene nobukumi bwa nda li nabwo halala nive, lirova li kikiri kuva.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Vafeso 1:10

kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola.

Vakolosai 1:18

Naye a veye mutwe gwomubiri, nomubiri zana ni livugana: u veye litanga kandi watangakwivulwa kutwula mu vakudzu; a duke kuva mwimiriri mu vindu vyosi.

2 Vatesalonike 1:12

lieta lyo Mwami wetu Yesu li duke kwidzominyirwa mu mwinve na mwinye muye, kuli tsimbabasi tsya Nyasaye wetu netsyo Mwami Yesu Kristo.

Vahebraina 1:4

wa gwa munene kuvita tsingelosi, kigira ne miyandu ya nyola lieta lya vita lyavo.

Vahebraina 1:9

U yanzi ubulungi, kandi u vihireywi ubwebaali; Kigira yaga Nyasaye, Nyasaye wowo, u ku vaki Maguta gobusangali kuvita avakyo.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 2:9

Navutswa ku lola Yesu, uyu w a kolwa mugeheru inyinga inkekeke ku tsingelosi, kigira ubusaliri bwelikudza, u vikeywi itaji yobukumi neyelidzominywa, ku tsimbabasi tsya Nyasaye a duke kutsatsama likudza kigira avandu vosi.

1 Petro 3:22

u veye ha mukono mulungi gwa Nyasaye, kigira u viti kutsia kuduka migulu; vi mali kukolwa vikekeke kuye, tsingelosi, navobunene, navetsingulu.

2 Petro 1:17

Kigira ya nyola ku Nyasaye Dada lidzominywa nobukumi, lwa gwa duka kuye mwoyo gu twula mu Bukumi Ubunene, Uyu niye Mwana wange muyanze wange, u nyanzidzanga:

3 Yohana 1:7

kigira va twula kigira Lieta lilye, va vuli kuvugula kindu ku Tsihiri.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 5:12

ni va vola nomwoyo munene, U dukani Mwana Weligondi wiiteywi kuvugula linyala nobutugi, nobugeeri, netsingulu, nelidzominywa, nobukumi nobugasu.