Vafilipi 2:3 - KITABU KITAKATIFU

³ Mu ta kola kindu kali kilala nelihing'ana kinga kwenya ubukumi bwa vutswa, navutswa mu lyegehidza lyomwoyo mundu sa mulala a lole wundi kuva munene kuye mwene;

Vafilipi 2:3 Iomraidhean Croise

Tsing'ano 13:10

Uluyai lu letanga ubuhing'ani bwere; Navutswa ava vugulanga makuva malahi va veye nobugeeri.

Luka 18:14

Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

Varumi 12:10

Mu buyanzani bwenyu mu yanzane bulahi avene navene; mwimiridzane mu bukumi ku vakye venyu;

Varumi 13:13

Ku gende nobuhokya, kuli mbasu; si ga li mu bukinu nomu lihambika, kandi si ga li mu buheyi nomu livolidza, si ga li mu mahangali nembodoka.

Varumi 2:8

navutswa yavo avetsimbemba, ava ta hulira ageligali, navutswa va hulira aga ta li malungi, ubutima nobudunyi bu la va gwira,

1 Vakorintho 15:9

Kigira inze mbeye mke ku vatumwa, u ta dukani kulangwa mutumwa, kigira nda dambidza livugana lya Nyasaye.

1 Vakorintho 3:3

kigira mu kikiri avomubiri: kigira ndiyo mu veye nembodoka nelihing'ana mu mwinye, si mu veye avomubiri, kandi si mu genda kuli avandu?

2 Vakorintho 12:20

Kigira ntidza gase ku gosi, lwa ndidza ku mwinye nda mu lola si mu veye neliva lya nyenya, na inze mwene nda loleka ku mwinye neliva lya mu ta yanza; gase ku gosi ga la va amahangali, nembodoka, nobutima, nelyavukana, nelihuudziridza, nelimonyana, nobwigingiri, nekivihiri;

Vagalatia 5:15

Navutswa ni mu lumana nokulitsana avene navene, mwelinde gase mu la malirana avene navene.

Vagalatia 5:26

Ku tenya liidzominywa lya vutswa nokuhing'ana avene navene, nokukolerana imbodoka avene navene.

Vafeso 4:2

nobwegehidzu bwomwoyo bwosi nobuhooma, kandi nobwikudziri, mwikudzirane avene navene mu buyanzi;

Vafeso 5:21

mwegehidzirane avene navene mu butii bwa Kristo.

Vafilipi 2:14

Mu kole vindu vyosi bugira limonya nobuhing'ani;

Vakolosai 3:12

Kunangwa mu kole kuli avatovole va Nyasaye, ava veye avatakatifu navayanzwa, mwivike mwoyo gwetsimbabasi, nelikola lilahi, nelyegehidza, nobuhooma, nobwikudziri;

Vakolosai 3:8

Navutswa kalunu mwinye kandi mu te vyosi ihale: ubutima, nelivihirirwa, nembodoka, namanyego, namakuva madamano mu minwa gyenyu:

1 Timoteo 6:4

u vimbi mutwe, kandi si a manya kindu, navutswa u viti mutwe ku mateva noku mahangali gamakuva ga letanga imbodoka, nobutindi, namanyego, netsiganagani tsindamano,

1 Petro 3:8

Agekiheri, mu ve nomwoyo mulala, ava koleranira tsimbabasi, ava yanzana kuli avamwavo navamwavo, nayetsimbabasi tsyomugati, navemyoyo myegehidzu:

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.