Vafilipi 2:14 - KITABU KITAKATIFU

¹⁴ Mu kole vindu vyosi bugira limonya nobuhing'ani;

Vafilipi 2:14 Iomraidhean Croise

Zaburi 106:25

Navutswa va monya mu mahema gavo, Na si va hulira mwoyo gwa Yahova.

Tsing'ano 13:10

Uluyai lu letanga ubuhing'ani bwere; Navutswa ava vugulanga makuva malahi va veye nobugeeri.

Livalidza 14:27

Inze ndekudzera ku livugana lidamano yili, li monyanga, kuduka inyinga ki? Mbuliye limonya lya avana va Israeli lya va monyanga ku inze.

Matayo 20:11

Lwa va tungwa va monya mwene inyumba,

Marko 14:5

Kioira maguta yaga nkano ga nyala kugamannywa tsyo kuvita tsishilling tsimia tsivaka, tsi hebwe avadaka. Ni va mu monya.

Marko 9:14

Lwa va duka ku vegidzwi, va lola kiduma kinene va va kumbiridza, navang'odi va tevana navo.

Luka 5:30

Kandi Avafarisayo navang'odi vavo va monya avegidzwi veve, ni va vola, Kigira ki mu litsa nokunwa halala navasololi vobushutu navoni?

Vikolwa 15:2

Kandi Paulo na Baranaba lwa va li namahangali namateva ga ta li makekeke navo avamitu va haana munwa, Paulo na Baranaba navandi kuvo vanegire Yerusalemi ku vatumwa navakulundu kigira inkuva yiyi.

Vikolwa 15:39

Bwa li ubuhangalidzani bunene, kuduka vavukana; na Baranaba ya hila Marko na a nina mu bwnto na a tsia Kuporo:

Vikolwa 15:7

Inyinga ya ga li amateva manyingi, Petro ya singira na a vola. Avamitu, mu manya Nyasaye ya tovola kale ku kwinye, Tsihiri tsi hulire ku munwa gwange likuva lyevangeli, va suuvire.

Vikolwa 6:1

Mu madiku yaga lwa vegidzwi va dasika, Avayuda va vola Lugreki va monya Vahebraina kigira avakunzakali vavo si va lindwa ku butumiki bwavo bwa kazozo.

Varumi 12:18

Ni ga nyalika, ku luvega lwenyu, mu ve nemirembe ku vandu vosi.

Varumi 14:1

Navutswa uyu u veye mudedekere mu lisuuvira, mu mu bugirire, navutswa ga ta va agelikalaga amakuva gelihayahayidza.

Varumi 16:17

Kalunu mmu goonya ligali avamitu, mu henze yava ava leta lyavukana nelyekigitala, vi hing'ana namegidzo ga mweyegidza: kandi mu girunkane mu va leke.

1 Vakorintho 10:10

Kandi mu ta monya kuli avalala kuvo va mo nya, nomudividzi ya va dividza.

2 Vakorintho 12:20

Kigira ntidza gase ku gosi, lwa ndidza ku mwinye nda mu lola si mu veye neliva lya nyenya, na inze mwene nda loleka ku mwinye neliva lya mu ta yanza; gase ku gosi ga la va amahangali, nembodoka, nobutima, nelyavukana, nelihuudziridza, nelimonyana, nobwigingiri, nekivihiri;

Vagalatia 5:15

Navutswa ni mu lumana nokulitsana avene navene, mwelinde gase mu la malirana avene navene.

Vagalatia 5:26

Ku tenya liidzominywa lya vutswa nokuhing'ana avene navene, nokukolerana imbodoka avene navene.

Vafilipi 2:3

Mu ta kola kindu kali kilala nelihing'ana kinga kwenya ubukumi bwa vutswa, navutswa mu lyegehidza lyomwoyo mundu sa mulala a lole wundi kuva munene kuye mwene;

1 Vatesalonike 5:13

mu va bugirire ligali mu buyanzi kigira miyinzi gyavo. Mu ve nemirembe mwinye avene navene.

1 Vatesalonike 5:15

Mu henze mundu kali mulala a ta tunga wundi kali mulala ubudamano ku budamano; navutswa mu londe kazozo ki veye kilahi mwinye avene navene, kandi ku vosi.

Vahebraina 12:14

Navutswa mwenye kuva nemirembe ku vandu vosi, kandi mwenye ubutakatifu, mundu na a vula kuva nabwo, si a li lola Mwami mba:

Yakobo 1:20

kigira ubutima bwomundu si bu kolanga ubulungi bwa Nyasaye.

Yakobo 3:14

Navutswa ni mu va ni mu veye nembodoka indulu nelihangalidzana mu myoyo gyenyu, mu tiidzominya kandi mu ta vola ububehi ku geligali.

Yakobo 5:9

Mu ta monyana avene navene, avamitu, mu duke kuvula kukalagirwa: henzi, mukalagi u singiye ku viliango.

1 Petro 3:11

Yiyahule ku budamano nokukola bulahi; Yenye mirembe, nokugyilonda tsimbiru.

1 Petro 4:9

Mwingiridzane avene navene bugira limonya:

Yudasi 1:16

Yava nivo avamonyi naviliriri, ava gendanga kuli likayirwa lyavo avene (minwa gyavo gyi volanga amakuva manene naga vimbanga), velidzanga avandu kigira linyola kindu.