Vafilipi 1:28 - KITABU KITAKATIFU

²⁸ kandi bugira ubutii ku vyosi kigira avasigu: kuvo likuva yili li veye kiloleru kyeligali kyelidiva, navutswa ku mwinye kyelihonnywa, nalyo litwula ku Nyasaye.

Vafilipi 1:28 Iomraidhean Croise

Litanga 49:18

Inze nindiriye ubuhonyi bwubwo, O Yahova.

Zaburi 50:23

Kuvo vosi u haana kihaanwa kyelisantidza u nkuminyanga; Na ku uyu u lohidzanga inzira yeye Nda mu mannya ubuhonnyi bwa Nyasaye.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Marko 3:3

Ku, ya volera mundu wa li nomukono gwa ng'era, Singira hagati.

Luka 3:6

Navandu vosi va la lola ubuhonnyi bwa Nyasaye.

Yohana 16:8

Naye lwa a li duka, a la lungika avomkivala ku bwoni, noku bulungi, noku likalaga:

Vikolwa 28:28

Kunangwa ga manyekane ku mwinye, ubuhonnyi, yibu bwa Nyasaye bu hilwa ku vandu ve Tsihiri: navo va la bu hulira.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

1 Vatesalonike 2:2

navutswa lwekivi kya ku gwira ku matsyambiri nokukolerwa ubudamano mu Filipi, kuli wa mu manya, kwa luvirira mu Nyasaye wetu kumuvolera ivangeli ya Nyasaye mu buhandalali ubunene.

Vahebraina 13:6

Kunangwa ku luvirira kuvola, Mwami a veye mukonyi wange; si nda tia mba: Avandu va la nkolera ki?

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.