Vafilipi 1:20 - KITABU KITAKATIFU

²⁰ kuli lihenzerera lyange lyobugulu nelisuuvira lyange mu vyosi si nda legannywa, navutswa ku buluviriri bwosi, kuli madiku gosi kandi ndiyo kalunu, Kristo a la kuminywa mu mubiri gwange, ni ga va ku livamwoyo, kinga ku likudza.

Vafilipi 1:20 Iomraidhean Croise

Zaburi 119:116

U ndire kuli likuva lilyo, nduke kuva mwoyo; Mbule kuva netsisoni ku lihenzerera lyange.

Zaburi 119:80

Mwoyo gwange gu ve mudukanu mu malago gogo, Mbule kuvikwa mu tsisoni.

Zaburi 25:2

O Nyasaye wange, nku suuviye, U ta ndeka kuva netsisoni U ta leka avasigu vange kwegingira ku inze.

Zaburi 62:5

Mwoyo gwange, u lindire Nyasaye yeng'ine nelikiring'ana; Kigira lisuuvira lyange li veye ku uyu.

Tsing'ano 10:28

Lisuuvira lyavalungi li la va ubuyanzi; Navutswa lihenzerera lyomudamano li la diva.

Tsing'ano 23:18

Kigira ligali ga veye ho madanyi; Na lisuuvira lilyo li la vula kukalagwa.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 50:7

Kigira Yahova Nyasaye a la nkonya; kigira yaga nda vula kuva isoni: kunangwa nda vika mmoni mwange kuli ligina lidinyu, na inze manya si nda nyola tsisoni.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Yohana 21:19

Ya vola yaga kumannya ni likudza ki lya a li kuminyira Nyasaye. Lwa ya mala kuvola yaga, ya mu volera, U nonde.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Vikolwa 21:13

Hene yaho Paulo ya tivula, Mu kola ki kulira nokwononya mwoyo gwange? Kigira inze si nzetegeki kubofwa kweng'ine, navutswa kali kwiitwa mu Yerusalemi kigira lieta lyo Mwami Yesu.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

Varumi 6:13

Kandi mu ta hila vivero vyenyu mu bwoni, kuli viju vyobwoneku; navutswa mwihile ku Nyasaye, kuli ava veye mwoyo kutwula mu vakudzu, ne vivero vyenyu vi ve kuli viju vyobulungi ku Nyasaye.

Varumi 6:19

Mbola kuli mundu, kigira ubudedekere bwemibiri gyenyu. Kigira kuli mwa hila vivero vyenyu kugwa avatugwa vobudamano navekirage kuduka kirage kindi, ndiyo kandi kalunu mu hile vivero vyenyu vi gwe avatugwa vobulungi kuduka mu butakatifu.

Varumi 8:19

Kigira lihenzerera lyevilombe li linda lila ng'aminywa lya avana va Nyasaye.

Varumi 9:33

kuli wa ga ng'odwa, Henza, mbika ku Zioni iigina lyokwikigitalidza, nolwanda lwokuvihiriridza: Noyu u mu suuvira si a li va soni.

1 Vakorintho 15:31

Avamitu, mbolanga ku lidzominya lyange lya mbe nalyo kigira mwinye, mu Kristo Yesu Mwami wetu, nkudzanga lidiku nelidiku.

1 Vakorintho 6:20

kigira mwa gulwa ubuguli; kunangwa mwidzominye Nyasaye mu mibiri gyenyu.

1 Vakorintho 7:34

Kandi ha veye nelyavukana mukali nomukana. Uyu u kikiri kusererwa a nyankanira vindu vyo Mwami, a duke kuva mutakatifu ku mubiri kandi mu roho: navutswa uyu wa sererwa a nyankanira vindu vyelirova kuli a duke kuyanzidza musatsa wewe.

2 Vakorintho 10:8

Kigira ni nziidzominya ligali kigira tsingulu tsyetu (tsyo Mwami ya ku ha kwombakira mwinye, ni tsi ta li tsyokumutsoma hasi), si nda va isoni:

2 Vakorintho 3:12

Kunangwa kigira ku veye nelisuuviridzwa kuli yili, ku vola nobuluviriri ligali,

2 Vakorintho 4:10

madiku gosi ku gendera liitwa lya Yesu, mu mubiri gu etu, livamwoyo lya Yesu kandi li lang'aminywe mu mubiri gwetu.

2 Vakorintho 5:15

uyu ya kudzira vosi, ava veye mwoyo va tekolera vyavo avene, navutswa va kolere uyu wa va kudzira na a simuguka kandi.

2 Vakorintho 7:14

Kigira ni nziidzominya kuye mu makuva gosi kigira mwinye, si mba isoni; navutswa kuli kwa volera mwinye vindu vyosi mu ageligali, kunangwa liidzominya lyetu lya ndiidzominya imbiri wa Tito lya loleka kuva lyeligali.

2 Vakorintho 7:4

Ubuluviriri bwelivola lyange ku mwinye nu bunene, kandi liidzominya lyange kigira mwinye ni linene: nzizuye ubusangali, mu busaliri bwetu bwosi nzizuye ubuyanzi.

Vafilipi 1:14

kandi avanyingi ku vamitu va veye mu Mwami va nyoye ubuluviriri ku libofwa lyange, va luviriye ligali kuvola likuva lya Nyasaye bugira ubutii.

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

1 Vatesalonike 5:23

Nyasaye mwene wemirembe a mu takase ligali; na mwinye mu sidzwe roho nomwoyo nomubiri bugira kindu kidamano, mu lidza lyo Mwami wetu Yesu Kristo.

1 Petro 4:16

navutswa na a va na a saliridzwa kigira a veye Mukristayo, a ta va isoni; navutswa yidzominye Nyasaye mu lieta yilyo.

1 Yohana 2:28

Kandi kalunu, avana vakekeke vange, menyi muye; kandi na a va na a lolekidzwa ku ve nobuluviriri, kandi ku ta va netsitsoni imbiri wewe ku liduka lilye.