Vafilipi 1:11 - KITABU KITAKATIFU

¹¹ mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

Vafilipi 1:11 Iomraidhean Croise

Zaburi 1:3

A la fwanana nomusala gu simikwa himbi nemigera gyamadzi, Gwamanga ku muhiga gwagwo, Matu gagwo si ga niala mba; Na vyosi vya a kola vi la gasa.

Isaya 5:2

naye ya ki lima, nokutwulidza magina gakyo, nokusimika mu muzabibu mulahi kuvita gyosi, nokwombaka kitaradzi hagati hakyo, nokuyava mu kiminiru kyewaini: na a henzerera gwame mazabibu, navutswa gwama mazabibu gomulitu.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:11

Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Yohana 15:2

Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Yohana 15:8

Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Varumi 15:28

Kunangwa lwa ndi maliridza inkuva yiyi, nokudukidza ligali ma kuyu yaga, nda vitira wenyu ni ntsia kuduka Sipania.

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

1 Vakorintho 10:31

Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye.

2 Vakorintho 9:10

Uyu u hedzanga mumidzi ubugutsa nobukima bwokulagira, a la ha mwinye bugutsa bwokumidza, kandi a la bu dasa, kandi a la kiridza makuyu gobulungi bwenyu:

Vafeso 1:12

ku duke kuva lidzominya lyobukumi bwibwe, kwinye ava kwa tanga kusuuvira Kristo.

Vafeso 1:14

uyu niye hihambiriru kyemiyandu gyetu, kuduka ku litungira lyobwamehi bwibwe mwene, kuduka ku lidzominya lyobukumi bwibwe.

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Vafeso 5:9

(kigira likuyu lyobulavu li veye mu bulahi bwosi nomu bulungi nomu ageligali),

Vafilipi 4:17

Si nda kayirwa kihaanwa; navutswa nyenya makuyu ga medeke ku mwinye.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

2 Vatesalonike 1:12

lieta lyo Mwami wetu Yesu li duke kwidzominyirwa mu mwinve na mwinye muye, kuli tsimbabasi tsya Nyasaye wetu netsyo Mwami Yesu Kristo.

Tito 3:14

Kandi avandu vetu va duke kweyegidza kwimenya mu miyinzi milahi gyenyangwa, va ta duka kudaka makuyu.

Vahebraina 12:11

Amageli gosi genyinga ya kalunu si ga fwana kuva nobuyanzi navutswa nobuvereri; navutswa inyima ga leteranga ava nalidzeywi mugo amakuyu gemirembe, na gobulungi.

1 Petro 2:12

ligenda lyenyu li ve lilahi mu Tsihiri; mu yaga ga va vola ku mwinye kuli mu veye ava kola ubudamano, ga ve kuvo, kigira vikolwa vyenyu vilahi vya va lola vidzominye Nyasaye ku lidiku lyokuhenzwa.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

1 Petro 4:14

Ni mu va ni mu nyegwa kigira lieta lya Kristo, mu veye nobugasu; kigira Roho wobukumi kandi Roho wa Nyasaye a menya ku mwinye.