Ruth 1:16 - KITABU KITAKATIFU

¹⁶ Na Ruth ya vola, U ta niga nku leke ive, nokwirana mbule kukulonda: kigira ha u tsitsanga, inze kandi nda tsia ho, ha u menya, inze nda menya ho; avandu vovo va la va avandu vange, na Nyasaye wowo a la va Nyasaye wange:

Ruth 1:16 Iomraidhean Croise

2 Samweli 15:21

Na Itai ya tivulira mwami, na a vola, Kuli Yahova a veye mwoyo, kandi kuli munene wange mwami a veye mwoyo, ligali ha munene wange mwami a va, ni ha va ni ha veye likudza, kinga lihindira, ha zana inze mutumekiri wowo nda va ho.

Zaburi 45:10

Hulira, ive mukana, u lole, u tegidze ugutu gugwo; Na wivirire avandu vovo mwene, na avenyumba ya dada wowo:

Tsing'ano 17:17

Mulina a yanzanga madiku gosi; Na amwavo wivuleywi kukonya mu kivi.

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Hosea 13:4

Navutswa inze mbeye Yahova Nyasaye wowo kutwula ku kivala kya Egepeti; na ive u la vula kumanya Nyasaye wundi kali mulala na a ta li inze, si ha veye nomuhonnyi wundi u meda ku inze.

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Matayo 8:19

Mung'odi mulala yadza kuye na a mu volera, Mwegidzi, nda ku londa ha u tsia hosi.

Yohana 13:37

Petro ya mu volera, Mwami, kigira ki si nyala kukulonda kalunu? Nda haana livamwoyo lyange kigira ive.

Vikolwa 21:13

Hene yaho Paulo ya tivula, Mu kola ki kulira nokwononya mwoyo gwange? Kigira inze si nzetegeki kubofwa kweng'ine, navutswa kali kwiitwa mu Yerusalemi kigira lieta lyo Mwami Yesu.

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Joshua 24:18

kandi Yahova ya kunga avandu vetsihiri tsyosi va twule imbiri wetu, navo na Vaamori ava menya mu kivala yikyo: kunangwa kwinye kandi ku la tumekira j Yahova; kigira uyu a veye Nyasaye wetu.

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Ruth 1:15

Na Naomi ya volera Ruth, Henza uyu muhalikwa wowo yirananga ku avandu veve, noku vanyasaye veve: na ive wirane u londe muhalikwa wowo.

Ruth 1:17

ha u kudzira, inze nda kudzera ho, na nda tebwa ho: Yahova ya nkolere ndiyo nokumeda ku, ni ki va ni ki veye ho kindu kindi ki ta li likudza li lavukanya ive na inze.

Ruth 2:6

Na mulindi wa vagesi ya tivula, na a vola, A veye mukana wa Avamoabu, wirana halala na Naomi kutwula mu kivala kya Moabu.

Ruth 4:15

Naye a la va ku ive wirannya liva mwoyo, nowokuhenza ubukeere bubwo; kigira navizala wowo, u ku yanzanga, wa duka ive kuvita avana vayai vatano na navaviri, u mwivuye.