Nehemia 9:6 - KITABU KITAKATIFU

⁶ Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Nehemia 9:6 Iomraidhean Croise

Litanga 1:1

Mu litanga Nyasaye ya lomba migulu nelirova.

Litanga 1:9

Kandi Nyasaye ya vola, Amadzi ga li isi weligulu ga vunge halala li loleke lirova Iyumu: na ga li ndiyo.

Litanga 2:1

Na ligulu nelirova vya mala kulombwa, nelihe lyavyo lyosi.

Litanga 32:2

Na Yakobo lwa ya va lola ya vola, Yili ni lihe lya Nyasaye: na ya gulika ha zana Mahanaim.

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

2 Avami 19:15

Na Hezekia ya saala Yahova, na a vola, O Yahova, Nyasaye wa Israeli, ive wikalanga igulu wa vakerubi, ive u veye Nyasaye, ive weng'ine, wobwami bwosi bwelirova; na ive wa lomba ligulu nelirova.

2 Avami 19:19

Kunangwa kalunu, O Yahova Nyasaye wetu, nku saala ligali, u ku honnye, mwadza, ku mukono gwa uyu, ubwami bwosi bwelirova bu duke kumanya ive u veye Yahova Nyasaye, ive weng'ine.

Nehemia 9:5

Hene yaho Valevi, Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, va vola, Mu singire mu santidza Yahova Nyasaye wenyu wokutwula mihiga nemihiga kuduka ku mihiga nemihiga; na lieta lilyo lyobukumi lidzominywe, lyobukumi kuvita bugasu bwosi nelidzominywa lyosi.

Zaburi 102:25

Kale wa lomba muse gwelirova; Kandi magulu ga veye miyinzi gyamakono gogo.

Zaburi 103:21

Mu gasidze Yahova, mwinye amahe gege, Mwinye avatumekiri veve, ava kola ubulaliri bwibwe.

Zaburi 115:15

Mwinye mu veye avagasidziywi va Yahova, Wa lomba ligulu nelirova.

Zaburi 124:8

Ubukonywi bwetu bu veye mu lieta lya Yahova, Wa lomba ligulu na lirova.

Zaburi 146:6

Uyu wa lomba liguhl na lirova, Inyanza, na vyosi vi veye muyo; Uyu u lindanga ageligali mihiga nemihiga;

Zaburi 24:10

Mwami wobukumi uyu a veye ibwaha? Yahova wamahe A veye Mwami wobukumi. [Selaha

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Zaburi 36:6

Ubulungi bubwo bu leng'ana nevigulu vya Nyasaye; Likalaga lilyo li veye inyanzainene: O Yahova, ive u honnyanga avandu netsinyama.

Zaburi 86:10

Kigira u veye munene, na u kolanga vyokugenva: Ive weng'ine u veye Nyasaye.

Isaya 37:16

O Yahova wa mahe, Nyasaye wa Israeli, wikaye hagati ha vakerubi, ive u veye Nyasaye, ive weng'ine, mu bwami bwosi bwelirova; ive wa lomba ligulu nelirova.

Isaya 37:20

Kunangwa kalunu, O Yahova Nyasaye wetu, u ku honnye ku mukono gwigwe, tsihiri tsyosi tsyomu lirova tsi duke kumanya ive u veye Yahova, ive weng'ine.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Ezekieli 20:11

Nda va ha malago gange, nokuvamannya miima gyange, gya mundu a va na a kola a la hindira mugyo.

Jona 1:9

Naye ya va volera, Inze mbeye Muhebraina; na ntidza Yahova, Nyasaye womigulu, wa lomba inyanza na lirova Iyumu.

Yohana 10:30

Inze na Dada ku veye kindu kilala.

Vikolwa 4:24

Navo lwa va mala kuhulira yaga, va gingira Nyasaye myoyo gyavo halala, ni va vola, O Mwami, wa lomba ligulu, nelirova, nenyanza, nevindu vyosi vi veye mu:

Kwidzulitsa 10:14

Henza, ligulu li veye lya Yahova Nyasaye wowo, neligulu lyomigulu, nelirova, na vyosi vi veye mulyo.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 6:4

O Israeli, u hulire: Yahova Nyasaye wetu, Yahova a veye mulala:

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 1:6

Kandi lwa ya leta mu lirova wivulwa wokutanga ya vola, Tsingelosi va Nyasaye va msigamire.

Likunula 14:7

kandi ya vola nomwoyo munene, Mu tie Nyasaye, kandi mu mwidzominye; kigira inyinga yelikalaga lilye i duke: kandi mu sigamire uyu wa lomba ligulu nelirova nenyanza nevisenukiru vyamadzi.

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.