Nehemia 9:34 - KITABU KITAKATIFU

³⁴ navami vetu si va gumira lilaga lilyo, kinga vanene vetu, kinga vasa lisi vetu, kinga vaguga vetu, si va hulira amalago gogo, na lilolekidza lilyo lya wa lolekidza kuvo.

Nehemia 9:34 Iomraidhean Croise

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

2 Kyetsinyinga 29:6

Kigira vadada vetu va girunkana, na va kola budamano mu tsimoni tsya Yahova Nyasaye wetu, nokumuleka, nokugirunkannya mmoni mwavo kutwula ku bumenyo bwa Yahova, nokumukupa mugongo.

Ezara 9:10

Ka lunu, O Nyasaye wetu, ku vole ki inyima wa yaga? Kigira ku leki ama lago gogo,

Nehemia 9:30

Navutswa wekudzira kuvo mihiga minyingi, na wa lolekidza kuvo na Roho wowo ku vaprofeti vovo: navutswa si va yanza ku tegidza amatu: kigira yaga wa va vika mmakono gavandu vevivala yivyo.

Nehemia 9:33

Navutswa ive u veye wobulungi mu yaga gosi aga gwira kwi nye; kigira wa kola ageligali, navu tswa kwinye kwa kola agobudamano;

Nehemia 9:35

Kigira si va tumekira ive mu bwami bwavo, nomu bulahi bubwo bunene bwa wa va ha, nomu kivala kinene kinolu kya wa va ha imbiri wavo, kandi si va girunkana kutwula ku vikolwa vyavo vidamano.

Jeremia 29:19

kigira si va hulira makuva gange mba, Yahova a vola, aga nda tumira avatumwa vange avaprofeti, kuvavolera, ni mbuka mmabwebwe nokuvatuma navutswa si mwa bugirira kuhulira Yahova a vola.

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Jeremia 44:4

Navutswa nda tuma ku mwinye avatumekiri vange vosi ava profeti, ni mbuka mabwebwe nokuva tuma, ni mbola, O, mu ta kola kivihiri yiki kya ndunyiranga.

Ezekieli 5:6

Naye yebaali ku likalaga lyange ku likola budamano kuvita tsihiri, noku amalago gange kuvita vivala vya li kumbiridza; kigira va sula likalaga lyange, noku makuva gamalago gange, si va genda mugo mba.

Danyeli 9:6

kandi si kwa hulira avatumiki vovo avaprofeti, ava volera avami vetu, na avanene vetu, na avaguga vetu, na avandu vosi vekivala, mu lieta lilyo.

Kwidzulitsa 31:21

Kandi ga la va, ubudamano bunyingi na kivi lwa vi mala kuduka kuvo, lwimbu yilu lu la lolekidza imbiri wavo kuli umulolekidzi, kigira lu la vula kwivirirwa mu minwa gyavana vavo: kigira kali kalunu mmanya tsiganagani tsyavo tsya va ganagananga lero, ni nkikiri kuvavika mkivala kya ndesuhira.