Biblia Todo Logo
Bìoball air-loidhne

- Sanasan -




Nehemia 9:32 - KITABU KITAKATIFU

32 Kunangwa kalunu, O Nyasaye wetu, munene, nowetsingulu, Nya saye wokutibidza, u gumiranga lila gana netsimbabasi, kivi kyosi kya gwira kuinye, navami vetu, navanene vetu, navasalisi vetu, navaprofeti vetu, navaguga vetu, navandu vovo vosi, kutwula ku tsinyinga tsyavami va Asuria, kuduka lero, ki ta loleka kuva kikekeke, kivi zana imbiri wowo.

Faic an caibideil Dèan lethbhreac




Nehemia 9:32
42 Iomraidhean Croise  

na a vola, O Yahova, Nyasaye wa Israeli, si ha veye na Nyasaye u fwanana nive mba, migulu igulu, kinga mu lirova hasi; u dinyeridzanga lilagana netsimbabasi ku avatumekiri vovo ava gendanga imbiri wowo nemyoyo gyavo gyosi;


Inyinga yeyo Puli mwami wa Asuria yadza kulwana nekivala yikyo; na Menahem ya ha Puli tsitalenta elfu tsyefetha, umukono gwigwe gu ve halala naye kumudinyeridzira ubwami mu mukono gwigwe.


Mu madiku ga Peka mwami wa li Israeli, Tigilathu pileseru mwami wa Asuria yadza, na vugula lidala lya Ijon, na Abel beth maaka, na Jonoa, na Kedesh, na Hazoru, na Gileadi, na Galilaya, nekivala kyosi kya Nafitali; na ya va hila avalhambe na a tsia navo Asuria.


kuduka Yahova ya twulidza Israeli imbiri wewe, kuli ya vola neminwa gyavatumekiri veve vosi vaprofeti. Ma Israeli va hambwa vahambe kutwula mu kivala kyavo kutsia mkivala kya Asuria, kuduka lero.


Shalimanezeru mwami wa Asuria yanegira kulwana naye; na Hoshea ya gwa mutumekiri wewe, na ya mu hilira ubushutu.


Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.


Mmadiku gege Faraoneko mwami wa Egepeti yanegira kulwana nomwami wa Asu ria kuduka ha mugera gwa Farati: nomwami Josia ya tsia kulwana naye; na Faraoneko ya mwiitira ha Megido, lwa ya mu lola.


Na viita avana va Zedekia avayai imbiri wetsimoni tsitsye, na va hudula Zedekia tsimoni, nokumu mbika mmunyororo, ni va mu hila Babuloni.


na avetsihiri tsindi tsya Osinapari munene wobukumi, ya leta, nokuvavika mu lidala lya Samaria, nomu vivala vindi vya tigala engereka wo Mugera, mirembe.


hene yaho visunda himbi ku Zerubabeli, noku mitwe gyetsinyumba tsyava guga, nokuvavolera, leki kwombake halala nemwinye; kigira kwinye kwenyanga Nyasaye wenyu, kuli mwinye mu kolanga; nokumiitira vihaanwa kutwula ku madiku ga Esarihadon mwami wa Asuria, wa ku leta kukuvika hano.


Nenyima wa yaga aga ku gwira kigira vikolwa vyetu vidamano, na kigira mahyolo getu manene, kigira ive Nyasaye wetu wa ku ha mageli navutswa si ga li kuli ubudamano bwetu bu dukanga mba, na wa ku lekera ava tigala kuli yava,


nda vola, O Yahova, Nyasaye womigulu, Nyasaye munene wokutihidza, wokudu kidza lilagana netsimbabasi ku yavo ava mu yanza nokugumira amalago gege, nku goonya, mwadza:


Kigira Yahova a veye Wegulu Ligali na wokutihidza; A veye Mwami munene ku lirova lyosi.


Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.


Hambi, mu lole vikolwa vya Nyasaye; Miyinzi gyigye gyi veye nelitibwa ku avana va avandu.


Na Musa ya volera navizala wewe gosi ga Yahova ya kolera Farao, noku Avaegepeti kigira Israeli, na lidambidza lyosi lya va gwira ku inzira na kuli Yahova ya va honnya.


Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.


Na nda saala Yahova Nyasaye wange, nokweyama ubwoni, nokuvola, O Mwami, Nyasaye munene nowokutihidza, u gumiranga lilagana, netsimbabasi navo ava mu yanzanga nokugumira malago gege,


kandi si kwa hulira avatumiki vovo avaprofeti, ava volera avami vetu, na avanene vetu, na avaguga vetu, na avandu vosi vekivala, mu lieta lilyo.


O Mwami, ubweluliri bwomoni bu veye bwetu, nobwa avami vetu, nobwa vanene vetu, nobwa avaguga vetu, kigira kwoni ku ive.


Kandi mwinye ku yaga, ni mu va ni mu vula kumbulira, hene yaho nda mu li dambidza kuvita hali katano na kaviri kigira ubwoni bwenyu.


Kandi ni mu va ni mu genda mu lihing'ana ku inze, ni mu vula kumbulira, nda leta amaduywa ku mwinye hali katano na kaviri kuvita, kuli ubwoni bwenyu.


inze kandi nda genda nelihing'ana ku mwinye; na nda mu duya, yee inze, nda mu duya hali katano na kaviri kigira ubwoni bwenyu.


inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.


Na ga la duka, kigira mwa hulira makalago yaga, nokugumira nokugakola, Yahova Nyasaye wowo a la dukidza ku ive lilagana netsimbabasi tsya yesuhira avaguga vovo:


na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.


U ta va tia mba; kigira Yahova Nyasaye wowo a veye hagati hoho, Nyasaye munene welitihidza.


Kunangwa u manye Yahova Nyasaye wowo, niye Nyasaye, Nyasaye musuuvirifu, u dukidzanga lilagana netsimbabasi ku va mu yanzanga, ava gumiranga malago gege kuduka makula tsielfu,


Lean sinn:

Sanasan


Sanasan