Nehemia 9:25 - KITABU KITAKATIFU

²⁵ Na va vugula madala gavo getsingaga, neki vala kinolu, navo va nyola tsinyumba tsizula vindu vilahi vyosi, nevidaho vya yavwa, nemilimi gyemizabibu nemilimi gyemizeituni, nemisala gyamakuyu manyingi ligali: na va lia, nokwiguta, na va komera, nokwesa ngalidza mu bulahi bubwo bunene.

Nehemia 9:25 Iomraidhean Croise

1 Avami 14:9

navutswa u mali kukola budamano kuvita vosi avimira imbiri wowo, na ive wa tsi? Kwelombera avanyasaye vandi, nevifwananyi vyokutulwa, kuduka kumbihiriridza, na wa nta inyima womugongo gugwo:

1 Avami 8:66

Noku lidiku li kola gatano na gavaka ya sendukidza vandu va tsie; navo va gasidza mwami, na va tsia mmahema gavo nobusangali nobuyanzi mu mwoyo gwavo kigira ubulahi bwosi bwa Yahova ya kolera mutumekiri wewe Daudi, na Israeli avandu veve.

Nehemia 9:35

Kigira si va tumekira ive mu bwami bwavo, nomu bulahi bubwo bunene bwa wa va ha, nomu kivala kinene kinolu kya wa va ha imbiri wavo, kandi si va girunkana kutwula ku vikolwa vyavo vidamano.

Zaburi 105:44

Ya va ha vivala vyetsihiri; Navo va vugula miyinzi gyetsihiri kuva miyandu:

Zaburi 65:11

U vika ku muhiga itaji yobulahibubwo; Tsinzira tsitsyo tsi tonyanga maguta.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Isaya 63:7

Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Jeremia 2:7

Na nda mu vika mu kivala kyevyokulia vinyingi, mu duke kulia amakuyu gakyo nobulahi bwakyo; navutswa lwa mwingira mu kivala zana, mwononnya kivala kyange, nemiyandu gyange mwa gyi kola kyokuvihiriridza.

Jeremia 31:14

Na ndigutidza myoyo gyavasalisi nevinolu, navandu vange va liguta ku bulahi bwange, Yahova a vola.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Ezekieli 20:6

ku lidiku yilyo nda visuhira, kuvatwulidza mu kivala kya Egepeti vingire mu kivala kya nda va lutira, ki gangulukanga amaveere nobwuki, ki veye ubukumi bwevivala vyosi.

Danyeli 11:24

Na mu tsinyinga tsyelilemerwa mwoyo, a lingira halahi ha vita hekivala, kandi a la kola yaga aga vadada veve kinga vaguga veve va vuli kukola; a la va salannyira vilanye, nevyokwigulirwa, nobutugi: yee, a la lomba masaava gege ku tsingaga, kali ku inyinga i duki.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Varumi 2:4

Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira?

Kwidzulitsa 3:5

Madala yaga gosi ga veye madala gombakwa namadigi matambi, neviribwa, nevibohero; halala namadala manvingi ga ta veye namadigi.

Kwidzulitsa 32:13

Ya mu nyinnya igulu he kivala kye ginga, Naye ya lia limedeka lyemilimi; Na ya mu nyunnya ubwuki ku lwanda, Namaguta kutwula ku ligina lidinyu;

Kwidzulitsa 32:14

Maguta geng'ombe, namaveere ge kyayo, Halala namaguta gavana vamagondi, Namagondi makole ge Kibashan, netsimbuli, Halala nobulahi bwengano; Ku masahi gamazabibu wa nwa iwaini.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.