Nehemia 9:2 - KITABU KITAKATIFU

² Kandi visukululwi vya Israeli veya hula avene ku vageni vosi, na va singira nokweyama ubwoni bwavo, nobudamano bwavaguga vavo.

Nehemia 9:2 Iomraidhean Croise

1 Avami 8:47

navutswa ni virana mu myoyo gyavo mkivala ha va hilwa, ni virana, nokuhomba ive mu kivala kya yavo ava va hila, ni va vola, Ligali kwa hyola, kwa kola ubukyamu, kwa kola ubudamano;

Ezara 10:11

Kunangwa kalunu, mwe yamire Yahova, Nyasaye wavaguga venyu, nokukola aga uyu yenyanga; mweyahule mwinye avene ku avandu vekivala yiki, noku vakali vageni yava.

Ezara 6:21

Navana va Israeli avirana kutwula wa vadiki dzirwa na yavo vosi ava li ni veyahula kuvo kutwula ku budamano bwetsi hiri tsya avekivala, va ve halala navo, mu lyenya Yahova, Nyasaye wa Israeli, va lia,

Ezara 9:1

Vindu yivi lwa vya mala kukolwa, avanene vesunda ku inze, ni va mbolera, Avandu va Israeli, avasalisi na Valevi, si veyahula ku avandu vomkivala yiki mba, va kolanga kuli livihiriridza lyavo, kuli Vakanani, na Vahiti, na Vaperizi, na Vajebusi, na Vaamon, na Vamoabu, na Vaegepeti, na Vaamori.

Ezara 9:15

O Yahova, Nyasaye wa Israeli, ive u veye mulungi; kigira kwinye ku veye litigala li honi, kuli ga veye lero: henza, ku veye imbiri wowo mu mahyolo getu; kigira si ha veye nu u nyala kusingira imbiri wowo kigira inkuva yiyi.

Ezara 9:2

Kigira va vugula avakana vavo kuva avakali vavo navakali vavana vavo, kali kuduka yava ava veye kisukululwi kitakatifu vetsugannyi avene navandu vevivala yivyo: yee, na makono gavanene, navo avamehi gimiriye mu mahyolo yaga.

Nehemia 1:6

ugutu gugwo gu tegidzwe, na tsimoni tsitsyo tsi kunuke, u duke kuhulira lisaala lyomutumekiri wowo, lya nsaalanga imbiri wowo inyinga yiyi, mbasu nobudiku, ku avana va Israeli ava tumekiri vovo, lwa nzeyama ubwoni bwavana va Israeli, ubwa ku koli ku ive. Yee, inze nenyumba ya dada wange ku koli ubwoni:

Nehemia 10:28

Na avandu ava tigala, avasa lisi, na Valevi, navalindi veviribwa, navokwimba, na Vanethini, na yavo vosi aveyahula ku avandu vekivala nokuhambana namalago ga Nyasaye, avakali vavo, navana vavo avayai navakana, na vosi ava li nobugeeri nelimanya;

Nehemia 10:29

va hambana nava mwavo vavo, navanene vavo, na vivika mu vilaamo, nomu lisuha, va duke kugenda mu malago ga Nyasaye, aga Musa mutumekiri wa Nyasaye ya va ha, nokugalinda nokukola ama lago gosi ga Yahova Mwami wetu, namakalago gege nemegidzo gege

Nehemia 13:3

Na ga duka, lwa va hulira lilaga, hene yaho va va twulidza ku Israeli vosi ava hambana navo.

Nehemia 13:30

Ni ndiyo nda va takasa ku avageni vosi, nokulaga ubulindi bwa vasalisi na Valevi, sa mulala, mu miyinzi gyigye;

Zaburi 144:11

U mbonnye, na u ntwulidze ku mukono gwavageni, Aveminwa gyavo gyi vola ubugadi, Na mukono mulungi gwavo gu veye mukono mulungi gwobu behi.

Zaburi 144:7

U nyire mukono gugwo kutwula migulu, U mbonnye nokuntwulidza ku amadzi manene, Ku mukono gwa vageni;

Tsing'ano 28:13

Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

Isaya 2:6

Kigira ive u leki avandu vovo avenyumba ya Yakobo, kigira vizuye miima gyevugwe, navo va ng'oleranga ku malesi kuli Vafilisiti, na va huliri dzana navana vavageni.

Jeremia 14:20

O Yahova, kweyama ubudamano bwetu, nobudamano bwavaguga vetu; kigira kwa kolera ive ubwoni.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Danyeli 9:20

Inyinga nda li mu livola, nomu lisaala, nomu lyeyama ubwoni bwange nobwoni bwa avandu vange Israeli, nokusunda lisaala lyange imbiri wa Yahova Nyasaye wange kigira kigulu kitakatifu kya Nyasaye wange;

Hosea 5:7

Va koli ubugeeri bwobugadi ku Yahova; vivuye avana vageni: kalunu mweli muhya gu la va mira halala nemilimi gyavo.