Nehemia 9:16 - KITABU KITAKATIFU

¹⁶ Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

Nehemia 9:16 Iomraidhean Croise

2 Avami 17:14

Navutswa va sula kuhulira, ni va kola magoti gavo madinyu, kuli magoti ga vadada vavo, va vula kusuuvira Yahova Nyasaye wavo.

2 Kyetsinyinga 29:6

Kigira vadada vetu va girunkana, na va kola budamano mu tsimoni tsya Yahova Nyasaye wetu, nokumuleka, nokugirunkannya mmoni mwavo kutwula ku bumenyo bwa Yahova, nokumukupa mugongo.

2 Kyetsinyinga 30:8

Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

2 Kyetsinyinga 36:13

Ya sula amalago go mwami Nebukadinezaru, niye wa mwisuhidza ku Nyasaye: navutswa ya kola ligoti lilye lidinyu, na ya dinye ridza mwoyo gwigwe a vule kwirana ku Yahova, Nyasaye wa Israeli.

Nehemia 9:10

wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Zaburi 106:6

Ku koli ubwoni halala navadada vetu, Kwoni na ku koli ubudamano.

Zaburi 81:8

Mu hulire, mwinye avandu vange, na nda ku lolekidzira: O Israeli nkano u hulire inze

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 32:9

Kandi Yahova ya volera Musa, Ndoli avandu yava, na henza, va veye avandu aveligoti lidinyu:

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Ezekieli 5:6

Naye yebaali ku likalaga lyange ku likola budamano kuvita tsihiri, noku amalago gange kuvita vivala vya li kumbiridza; kigira va sula likalaga lyange, noku makuva gamalago gange, si va genda mugo mba.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Kwidzulitsa 31:27

Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 9:13

Yahova ya volera inze kandi, na a vola, Ndoli ihiri yiyi, kandi, henza, i veye ihiri yomwoyo mudinyu:

Kwidzulitsa 9:27

Widzulitse avatumekiri vovo, Abrahamu, Isaka, na Yakobo; u ta henza ubukyamu bwavandu yava, kinga ubudamano bwavo, kinga ubwoni bwavo,

Kwidzulitsa 9:6

Kunangwa u manye, Yahova Nyasaye wowo si ya ku ha kivala kilahi yiki kuva miyandu gyigyo kigira butakatifu bubwo; kigira u veye ihiri yomwoyo mudinyu.

Vahebraina 3:13

Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.

Vahebraina 3:15

Inyinga ya ga volangwa Lero ni mu va ni mu hulira mwoyo gwigwe, Mu ta dinnya myoyo gyenyu kuli mu lidiku lyelivihiriridza.