Nehemia 9:10 - KITABU KITAKATIFU

¹⁰ wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

Nehemia 9:10 Iomraidhean Croise

Nehemia 9:16

Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Kutwula 3:20

Kandi inze nda nyira mukono gwange, nokuduya Egepeti na vyokugennya vyange vyosi vya ndi kola hagati hakyo: na inyima wa yaga a la mu ha munwa kutsia.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Kutwula 7:1

Na Yahova ya volera Musa, Henza, nkoli ive kuva kuli Nyasaye ku Farao; na Haruni amwavo wowo a la va muprofeti wowo.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Isaya 42:20

Ive u lola vindu vinyingi, navutswa si u vi vikanga ku mwoyo mba; amatu gege galami, navutswa si a huliranga.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Isaya 63:14

Kuli tsing'ombe tsi sulungutanga kutsia mivona, Roho wa Yahova ya va sosidza: ni ndiyo wimirira avandu vovo u duke kwelombera ive mwene lieta iyobukumi.

Jeremia 32:20

wa vika vilolekidzu na vyokugenya mu kivala kya Egepeti, kuduka ku lidiku lya lero, mu Israeli, na hagati na vandu vandi; nokwelombera lieta kuli ga veye lero;

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

Varumi 9:17

Kigira ma ng'oda ga volera Farao, Nda vika ive kigira ubulaliri yibu, nduke kuku lang'aminyira tsingulu tsyange, kandi lieta lyange li duke kulandidzwa mu lirova lyosi.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 7:19

mageridzo manene getsimoni tsitsyo tsya lola, nevilolekidzu, nevyokugennya, nomukono gwetsingulu, nomukono gwanyirika, gwa Yahova Nyasaye wowo ya ku twulidzira: na ndiyo Yahova Nyasaye wowo a la kolera tsihiri tsyosi tsyo u tidzanga.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.