Nehemia 8:17 - KITABU KITAKATIFU

¹⁷ Na livugana yilyo lyosi lirana kutwula mu lyadikidzwa lyavo, va lomba madiri, agetsisya, na va menya mu madiri getsisya; kigira kutwula madiku ga Joshua mwana wa Nun kuduka lidiku yilyo, avana va Israeli va vula kukola yaga. Na ubusangali bunene bwa li ho.

Nehemia 8:17 Iomraidhean Croise

1 Kyetsinyinga 29:22

ni va lia ni va nwa imbiri wa Yahova ku lidiku yilyo nobusangali bunene. Na vamehidza Solomoni mwana womwami Daudi hali kaviri, nokumbaka maguta a ve wa Yahova a duke kuva munene, na Zadoku a ve musalisi.

2 Kyetsinyinga 30:26

Bwa li ubusangali bunene mu Yerusalemi; kigira kutwula madiku ga Solomoni mwana wa Daudi mwami wa Israeli, si ga li mu Yerusalemi kuli yaga.

2 Kyetsinyinga 35:18

Si ha li neli pasaka mu Israeli kuli yili kutwula ku madiku gomprofeti Samweli, kandi si ha li mu avami va Israeli wa lomba lipasaka kuli yili lya Josia ya lomba, navasalisi, na Valevi, na Vayuda vosi na Israeli va li ho, na avamenyi mu Yerusalemi.

2 Kyetsinyinga 8:13

kuli lyenya lyemiluka gyamadiku gosi, lihaana kuli lilaga lya Musa, mu masabato, nomu litanga lyemyeli, namasavo ga lagwa, ku muhiga hali kavaka, nago ga veye amasavo gobukima bu ta li namamera, namasavo gamasidza, na masavo gamadiri.

Ezara 3:4

Na va lomba lisavo lya madiri, kuli ga ng'odwa, na va haana vi haanwa vyelidiku nelidiku, ku liva lidzwa lyavyo, kuli amalago, kuli ga dukiranga lilaga lyelidiku nelidiku;

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Kwidzulitsa 16:15

Madiku gatano na gaviri u la kola lilia ku Yahova Nyasaye wowo, ha Yahova a la tovola; kigira Yahova Nyasaye wowo a la ku gasidza mu linyola lilyo lyosi, na mu miyinzi gyosi gya makono gogo, na u ve nelisangala ligali.

Vahebraina 11:13

Yava vosi va kudza mu lisuuvira, va vula kunyola lisuuviridzwa, navutswa va li ni va li loleye hale, nokulkhelidza, nokweyama va li ava menya navagehdi mu lirova.

Vahebraina 11:9

Ku lisuuvira ya gwa mumenyi mu kivala kyelisuuviridzwa, kuli a veye mu kivala ki ta li kikye, nokumenya mu mahema halala na Isaka na Yakobo ava li vemiyandu gyelisuuviridzwa zana halala naye:

Vahebraina 4:8

Kigira Joshua a va ni ya va ha bwelemeridzi, nkano si ya vola inyima lidiku lindi.

Joshua 1:1

Na ga duka inyima we likudza lya Musa mutumekiri wa Yahova, Yahova ya volera Joshua mwana wa Nuni, wa li mutumekiri wa Musa, na a vola,