Nehemia 7:2 - KITABU KITAKATIFU

² hene yaho nda ha amwavo wange Hanani, halala na Hanania munyampara wempinga, miyinzi gyokwameha ku Yerusalemi; kigira ya li mundu musuuvirifu, na ya li wa tia Nyasaye kuvita vanyingi.

Nehemia 7:2 Iomraidhean Croise

Litanga 42:18

Ku lidiku lya kavaka Yosefa ya va volera, Mu kole ndina na mu ve mwoyo; kigira inze ntia Nyasaye:

2 Samweli 23:3

Nyasaye wa Israeli ya vola, Lwanda lwa Israeli ya volera inze: Uyu wamehanga ku avandu nobulungi, Uyu yamehanga mu litibwa lya Nyasaye,

1 Avami 18:12

Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

1 Avami 18:3

Ahabu ya langa Obadia, wa li umusingiriri wenyumba yeye. (Obadia ya tia Yahova ligali:

Nehemia 1:2

Hanani, mulala ku vamwavo vange, yadza, uyu na vandu vandi ava twula Yuda; na nda va teva makuva ga Vayuda va hona, avatigala ku velyadikidzwa, na ga Yerusalemi.

Nehemia 10:23

Hoshea, na Hanania, na Hashubu,

Nehemia 13:13

Na nda vika avokulinda akiba, navo ni yava: Shelemia musalisi, na Zadoku mung'odi, noku Valevi, Pedaia: na muke ku yavo, ya li Hanan, mwana wa Zakuru, mwana wa Matania; kigira yavo va volwa kuva avasuuvirifu, nemiyinzi gyavo gya li ligavulira avamwavo vavo.

Nehemia 2:8

na mbebu e ibaruwa kumbi lire Asafu mulindi womulitu gwo mwami, a duke kumba misala ku lomba vikongo vyeviribwa vyolugaga lwa hambana nenyumba, kandi vyelidigi lyelidala, nenyumba ya inze nyingira mu. Kandi mwami ya mbe tsibaruwa, kuli mukono mula hi gwa Nyasaye wange gu veye ku inze.

Nehemia 5:15

Navutswa avamehi avimira imbiri wange va li avandu va tungangwa, navo va vugula ubukima bwavandu, newaini, halala netsishe keli amakumi gane tsyefetha; yee, kali avatumekiri vavo veyamehidza ku vandu: navutswa inze si nda kola ndiyo mba, kigira nda tia Nyasaye.

Nehemia 7:3

Na nda va volera, Mu ta leka viribwa vya Yerusalemi kwigulwa kuduka lwa mbasu gu lula; kandi valindi ni va kikiri mu lisingira, viribwa vi haanwe, nokuvasirwa: na mu vike avalindi ava li avatovole va Yerusalemi, sa mulala mu bulindi bwibwe a kagate ku inyumba yeye mwene.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Zaburi 101:6

Tsimoni tsyange tsi la va ku avasuuvirifu vekivala, va duke kumenya ninze: Uyu u gendanga ku inzira yobudukiru, a la ntumekira.

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Danyeli 6:4

Kunangwa avagovuna na avanene venya kunyola kindu ku Danyeli mu miyinzi gyobwami; navutswa si va nyala kunyola kindu kinga lihyolo, kigira ya li musuuvirifu, kandi lihyolo kinga kikyamu si vya nyoleka kuye.

Livalidza 12:7

Mutumekiri wange Musa si a veye ndiyo; a veye musuuvirifu mu inyumba yange yosi:

Matayo 24:45

Mutugwa mulahi nomugeeri ni bwaha, womwami wewe a vika a ve munene wenyumba yeye, kuvaha vyokulia vyavo vyetsinyinga tsi duka?

Matayo 25:21

Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo.

1 Vakorintho 4:2

Hano kandi genyangwa avalindi va lolwe kuva avasuuvirifu.

2 Timoteo 2:2

Kandi vyosi vya wa hulira ku inze ku valoli vanyingi, u vike ku avandu avasuuvirifu, ava li dukana kwegidza avandi.