Nehemia 6:9 - KITABU KITAKATIFU

⁹ Ki gira yavo venya kuvika kwinye mu butii, ni va vola, Makono gavo ga la dendeya, nokuleka miyinzi, gyi vule kukolwa. Navutswa kalunu O Nyasaye, u dinyeridze makono gange.

Nehemia 6:9 Iomraidhean Croise

2 Kyetsinyinga 15:7

Navutswa mu ve avanyala, makono genyu ga ta va madedekere; kigira miyinzi gyenyu gyi la va na madanyi.

2 Kyetsinyinga 32:18

Na vanira nomwoyo munene mu lulimi lwa Kiyuda ku avandu va Yerusalemi ava li igulu welidigi, va duke kuvatihidza, noku vahendidza myoyo: va duke kuvugulalidala.

Ezara 1:6

Na yava vosi ava menya ku tsimbega tsyavo va vika tsingulu mmakono gavo kigira va va ha viju vyefetha, nethahabu, neviju, nemitugu lugano lugano, na vindu vyobuguli budinyu, kuvita vindu vyosi vya haanwa nomwoyo gwobuyanzi.

Nehemia 6:14

O Nyasaye wange, widzulitse Tobia na Sanbalati kuli vikolwa vyavo, nomuprofeti mukali Noadia, navaprofeti avandi, yavo avenyanga kuntihidza.

Zaburi 138:3

Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

Zaburi 56:3

Inyinga ya mbeye nobutii, Nda vika lisuuvira lyange mu ive.

Zaburi 68:35

O Nyasaye, u veye welitihidza kutwula mu hatakatifu hoho: Nyasaye wa Israeli, a haananga tsingulu na ubunyali ku avandu veve. Nyasaye a gasidzwe.

Zaburi 71:1

O Yahova, nsuuviranga mu ive; U ta ndeka mihiga nemihiga kuva isoni.

Isaya 40:29

A haana tsingulu ku va kudzanga myoyo; na a medanga bunyali ku uyu u ta li netsingulu.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Jeremia 38:4

Hene yaho avanene va volera mwami, mwadza, leka mundu uyu yiitwe; kigira a vikanga budedekere ku makono gavandu velihe ava tigala mu lidala yili, noku makono gavandu vosi, ku livola lya a va voleranga makuva kuli yaga; kigira mundu uyu si a saaviranga avandu yava ubulahi mba, navutswa a va saaviranya kivi.

Ezekieli 30:24

Na nda vika tsingulu ku makono gomwami wa Babuloni, nda vika kivavi kyange mmukono gwigwe: navutswa amakono ga Farao nda ga vunannya, naye a la kenya imbiri wewe, likenya lyomundu watiywi ulugoma lwokwiita.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

2 Vakorintho 12:9

Naye ya mbolera, Tsimba basi tsyange tsi ku duki: kigira tsingulu tsyange tsi dukidzeywi mu budedekere. Kunangwa ndiidzominya mu budedekere bwange nobuyanzi ligali, tsingulu tsya Kristo tsi menye ku inze.

Vafeso 3:16

a mu he kudaswa tsingulu mu mundu wenyu womugati kigira Roho wewe, kuli ubutugi bwobukumi bwibwe;

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

Vafilipi 4:13

Nnyalanga kukola vindu vyosi mu uyu u nyalidzanga.

Vahebraina 12:12

Kigira yaga mu nyire makono madendeyu, namalu mafwogoyu;

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.

1 Samweli 30:6

Na Daudi ya dambidzwa ligali; kigira avandu va vola, A laswe magina, kigira myoyo gyavandu vosi gya vereridzwa, sa mulala kigira avana vayai na vakana vavo: navutswa Daudi yeluviridza mwene mu Yahova Nyasaye wewe.