Nehemia 5:8 - KITABU KITAKATIFU

⁸ Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Nehemia 5:8 Iomraidhean Croise

Nehemia 5:9

Kandi nda vola, Inkuva ya mu kolanga yiyi si i veye indahi mba: si ga mu dukira kugenda mu litibwa lya Nyasaye wetu, kigira amanyego aga vetsihiri avasigu vetu?

Ayubu 29:10

Myoyo gyavakulundu gya kiring'ana, Netsinimi tsyavo tsya banda mu vikalakula vyavo.

Ayubu 32:15

Va genya, si va tivula kandi; Si va veye nelikuva kuvola.

Kutwula 21:16

Uyu wibanga mundu, nokumu gulidza, kinga na a nyoleka mu mukono gwigwe, ligali a liitwa.

Matayo 22:12

na a mu volera, Mulina, wingira ndi hano nu u ta ve nengubo yekiserero? Naye ya kiring'ana.

Matayo 25:15

Ya ha mulala vigero vitanu, na wundi viviri, na wundi kilala; sa mulala va hebwa kuli tsi ngulu tsvavo; na a tsia ulugendo lwilwe.

Matayo 25:29

Kigira u veye navyo a la hebwa vindi, a la medwa: navutswa u ta veye navyo, a la nyagwa kali vya a veye navyo.

Varumi 14:15

Kigira amwavo wowo na va na a verera kigira vyokulia, su u gendanga mu buyanzi kandi. U tononnya nevyokulia vivyo uyu wa Kristo ya kudzera.

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye:

1 Vakorintho 8:11

Kigira uyu u veye mudedekere a divanga kigira limanya lilyo, naye a veye amitu wa Kristo ya kudzira.

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.

Vagalatia 6:10

Kunangwa inyinga ku va nobwiyangu, ku kole bulahi ku vandu vosi, kandi ligali ku viko velisuuvira.

Kwidzulitsa 24:7

Mundu na a va na a nyolererwa ni yivanga mulala ku vamwavo veve mu avana va Israeli, kumukola kuli mutugwa, kinga kumugulidza; mwivi uyu a kudze: na ndiyo u la twulidza ubudamano hagati hoho.