Nehemia 4:5 - KITABU KITAKATIFU

⁵ na u ta kunika ubudamano bwavo, na ubwoni bwavo bu vule kweywa imbiri wowo; kigira va vihiridza ive imbiri wavombaki.

Nehemia 4:5 Iomraidhean Croise

2 Samweli 17:2

na nda duka kuye ku inyinga ya a luhi, na a veye namakono madendeyu, na nda mu tihidza; navandu vosi ava veye halala naye va liruka; na nda kuya umwami weng'ine;

Nehemia 4:6

Ma kwombaka lidigi; na lidigi lyosi lya hambana halala kuduka inusu ya budiguluku bwalyo: kigira avandu va li nomwoyo gwokukola miyinzi.

Zaburi 109:14

Ubukyamu bwa vaguga veve bwidzulitswe na Yahova; Kandi ubwoni bwa mama wewe bu vule kutwulidzwa.

Zaburi 51:1

Umbere tsimbabasi, O Nyasaye, kuli tsimbabasi tsyobuyanzi bubwo: Kuli ubunyingi bwetsimbabasi tsitsyo u ntwulidze mahyolo gange.

Zaburi 51:9

U vise mmoni mumwo mu ta henza ubwoni bwange, Na u twulidze vidamano vyange vyosi.

Isaya 2:9

Na mundu munyaaviru yinaminyangwa, nomu ndu munene a gehidzangwa, kuna ngwa kigira yaga u ta va sameha mba.

Isaya 43:25

Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Jeremia 18:23

Navutswa, Yahova, ive u manya amakuva gavo gosi aga va veye nago ku inze kunziita; u ta sameha ubudamano bwavo mba, kandi u teya ubwoni bwavo imbiri wetsimoni tsitsyo mba; navutswa va tung'aminywe imbiri wowo; u va kolere ku inyinga yobutima bubwo.

Lisyoma lya Jeremia 1:22

Ubudamano bwavo bwosi budze imbiri wowo; U va kole, kuli wa kola inze kigira mahyolo gange gosi: Kigira likenya lyange li gwiye linene, na mwoyo gwange gu duki mbulwaye.

2 Timoteo 4:14

Alekisandero mutuli womu gasa ya nkola ubudamano bunyingi: Mwami a la mu tunga kuli miyinzi gyigye.