Nehemia 2:8 - KITABU KITAKATIFU

⁸ na mbebu e ibaruwa kumbi lire Asafu mulindi womulitu gwo mwami, a duke kumba misala ku lomba vikongo vyeviribwa vyolugaga lwa hambana nenyumba, kandi vyelidigi lyelidala, nenyumba ya inze nyingira mu. Kandi mwami ya mbe tsibaruwa, kuli mukono mula hi gwa Nyasaye wange gu veye ku inze.

Nehemia 2:8 Iomraidhean Croise

Litanga 32:28

Na ya mu volera, Lieta lilyo si li la langwa kandi Yakobo, navutswa li la langwa Israeli: kigira u gerani na Nyasaye na avandu, na u guuti.

Ezara 5:5

Navutswa imoni ya Nyasaye wavo ya li ku vakulundu va Vayuda, na si va va gayidza, kuduka lwa likuva lya duka ku Dario, nokwiranyirwa litivula lyebaruwa ku makuva yaga.

Ezara 6:22

nokulomba lisavo lyobukima bu ta li namamera nobu sangali, madiku gatano na gaviri: kigira Yahova ya va sangalidza, nokugirunkannya mwoyo gwomwami wa Asuria gu yeke kuvo, a duke ku dinyeridza makono gavo ku miyinzi gyenyumba ya Nyasaye, Nyasaye wa Israeli.

Ezara 6:8

Halala na yaga mbaananga lilaga ku ga mu li kolera avakulundu va Vayuda kigira lyombakwa lyenyumba ya Nyasaye: mu vindu vyomwami, li vola li veye ku kodi yekivala ki veye engereka wo Mugera, avandu yavo va hebwa bwangu mitungu, va vule ku gayidzwa.

Ezara 7:6

uyu Ezara yanegira kutwula Babuloni. Naye ya li mung'odi musidza welilaga lya Musa, lya Yahova, Nyasaye wa Israeli, lya ya ha avandu: nomwami ya mu kolera kuli amateva gege gosi, kuli mukono gwa Yahova Nyasaye wewe gwa li kuye.

Ezara 7:9

Kigira ya tanga kwane gira kutwula Babuloni ku lidiku lyokutanga lyomweli gwokutanga; na ya duka Yerusalemi lidiku lyokutanga lyomweli gwegyitano, kuli mukono mulahi gwa Nyasaye wewe gwa li kuye.

Nehemia 7:2

hene yaho nda ha amwavo wange Hanani, halala na Hanania munyampara wempinga, miyinzi gyokwameha ku Yerusalemi; kigira ya li mundu musuuvirifu, na ya li wa tia Nyasaye kuvita vanyingi.

Tsing'ano 21:1

Mwoyo gwomwami gu veye mmukono gwa Yahova kuli migera: A gu girunkannyanga hosi ha yenya.

Kohelethu 2:5

ndelombera milimi lu gano lugano, noluhya, na nda taga mulwo misala gyamakuyu getsingano tsyosi;

Kohelethu 2:6

ndelombera madavalia gamadzi, nduke kusuma mulitu hemisala midoto gyasimikwa;

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Danyeli 1:9

Kunangwa Nyasaye ya kola Danyeli a nyole liverwa netsimbabasi imbiri womunene wevitsiri.

Vikolwa 26:22

Navutswa kigira nda nyola ubuhonnyi bwa twula ku Nyasaye, nsingira hano kuduka kali lero nokulolekidzira avakekeke navanene, kandi si mbola kindu, geng'ine ga vyavaprofeti na Musa va vola vi ladza;

Vikolwa 7:10

na a mu twulidza mu busaliri bwibwe bwosi na a mu ha ubulahi nobugeeri imbiri wa Farao, mwami we Egepeti; na Farao ya mu kola munyampara mu Egepeti nomu inyumba yeye yosi.

2 Vakorintho 8:16

Navutswa nsantidzanga Nyasaye, u vikanga ubugulu yibu kigira mwinye mu mwoyo gwa Tito.