Nehemia 2:14 - KITABU KITAKATIFU

¹⁴ Ma ndesunda imbiri kuduka ku kiribwa kyekidaho noku vita ku lidavalia lyomwami: navutswa si ha li nobwiyangu bwokuvitidza umutugu gwa li isi wange.

Nehemia 2:14 Iomraidhean Croise

2 Avami 18:17

Mwami wa Asuria ya tuma yava Taritan na Rabisarisi, na Rabishake kutwula Lakishi halala nelihe linene lyavasikari, kutsia ku mwami Hezekia ha Yerusalemi. Navo vanegira ni va duka Yerusalemi. Navo lwa va mala kwanegira, lwa va duka va singira himbi nomugera gwelidavalia lyegulu, li veye mu lihasi li tsitsanga mu kiguti kya avogidzi.

2 Avami 20:20

Vikolwa vya Hezekia vya tigala, netsingulu tsitsye, na kuli ya lomba lidavalia, nomugera, nokuleta amadzi gingira mu lidala, vindu yivi si vya ng'odwa mu kitabu kyetsinyinga tsyavami va Yuda?

2 Kyetsinyinga 32:30

Uyu Hezekia ya kunika kisenukiru kyamadzi ga Gihon, na ya ga leta hasi ku luvega lwamadioli lwelidala lya Daudi. Hezekia ya gasi dzwa mu miyinzi gyigye gyosi.

Nehemia 12:37

Kandi ha kiribwa kyekidaho, kulungika imbiri wavo, va nina ku vikaa vyelidala lya Daudi, helidigi lyeginga, ku inyumba ya Daudi, kali kuduka ku kiribwa kyamadzi ku luvega lwevugwe.

Nehemia 3:15

Na Shalun mwana wa Kolihoze, wa li mwamehi wa Mizipa, ya digu lula kiribwa kyekidaho; ya kyo mbaka, nokukikunika, nokusingeridza miliango gyakyo, nemiluguyu gyakyo, nevibohero vyakyo, nelidigi lyelida valia lya Shela ahimbi nomulimi gwomwami, kuduka ku vikaa vyoku sulunguta kutwula mu lidala lya Daudi.

Nehemia 3:16

Na inyima wa uyu Nehe mia mwana wa Azibuku, wa li mwamehi wo luvega lulala lwa Bethzuru, ya digulula kuduka ha vilindwa vya Daudi, nokuduka lidavalia lya lombwa, nokuduka ku inyumba ya valuviriri.

Kohelethu 2:6

ndelombera madavalia gamadzi, nduke kusuma mulitu hemisala midoto gyasimikwa;