Nehemia 12:39 - KITABU KITAKATIFU

³⁹ na igulu wekiribwa kya Efiraim, na himbi ku kiribwa kya kale, na himbi ku kiribwa kyetsisudzi, nekitaradzi kya Hananeli, nekitaradzi kya Hamea kuduka ku kiribwa kyamagondi: na va singira ha zana mu kiribwa kyomulindi.

Nehemia 12:39 Iomraidhean Croise

2 Avami 14:13

Na Jehoashu mwami wa Israeli ya gumira Amazia mwami wa Yuda, mwana wa Jehoashu, mwana wa Ahazia ha Bethshemeshi, na a tsia Yerusaiemi, na a sambula lidigi lyo lugaga lwa Yerusalemi kutwula ku kiribwa kya Efiraim kuduka ku kiribwa kyekorna, ligera lyamakono tsimia tsine.

Nehemia 12:40

Na ndiyo mavugano yaga gombi ga singira agokusantidza mu inyumba ya Nyasaye, na inze na inusu yavanene halala ninze;

Nehemia 3:1

Hene yaho Eliashibu musalisi munene ya singira navamwavo veve avasalisi halala naye, na vo mbaka kiribwa kyamagondi; na va ki takasa, nokusingeridza muliango gwakyo; kuli kuduka ku kitaradzi kya Hamea, nokukitakasa, kali kuduka ku kitaradzi kya Hananeli.

Nehemia 3:25

Na Palali mwana wa Uzai, ya digulula ku luvega lwa henza ku kigodi, nekitaradzi kya yeka kyova, mu inyumba yegulu yomwami, i veye himbi nomugidzi gwavalindi. Inyima wa uyu Pedaia, mwana wa Paroshu ya digulula.

Nehemia 3:3

Na avana va Hasena vombaka kiribwa kyetsisudzi; va vika mialiru gyakyo, nokusingeridza miliango gya kyo, nemiluguyu gyakyo, nevibohero vyakyo.

Nehemia 3:6

Na kiribwa kya kale Joiada mwana wa Pasea na Meshulam mwana wa Besodeia va ki digulula; na va vika mialiru gyakyo, nokusi ngeridza miliango gyakyo, nemiluguyu gyakyo, nevibohero vyakyo.

Nehemia 8:16

Ma avandu va tsia, ni va tsi leta, ni velombera madiri, sa mulala igulu wenyumba yeye, na mmigidze gyavo, na mmigidze gyenyumba ya Nyasaye, nomu mugidze mugalamu gwekiribwa kyamadzi, nomu mugidze mugalamu gwekiribwa kya Efiraim.

Jeremia 31:38

Henza, amadiku gadzanga, Yahova a vola, mu madiku yago lidala li lombakirwa Yahova kutwula ku kitaradzi kya Hananeli kuduka ku kiribwa kyekona.

Jeremia 32:2

Inyinga yeyo lihe lyomwami wa Babuloni lya kumbiridza Yerusalemi; na Jeremia mprofeti ya li muhambe mmugidzi gwa valindi, gwa li mu inyumba yomwami wa Yuda.

Zefania 1:10

Kandi mu li diku yilyo, Yahova a vola, li la va ho liyoga lyelilira mu kiribwa kyetsisudzi, nelisyoma mu lusoma lwa kaviri, nomuliviti mu vigulu.

Yohana 5:2

Mu Yerusalemi lidavalia li veye ho himbi nekiribwa kyamagondi, li langwa mu Luhebraina, Bethesda, li veye netsisimbu tsitanu.