Nehemia 10:29 - KITABU KITAKATIFU

²⁹ va hambana nava mwavo vavo, navanene vavo, na vivika mu vilaamo, nomu lisuha, va duke kugenda mu malago ga Nyasaye, aga Musa mutumekiri wa Nyasaye ya va ha, nokugalinda nokukola ama lago gosi ga Yahova Mwami wetu, namakalago gege nemegidzo gege

Nehemia 10:29 Iomraidhean Croise

2 Avami 10:31

Navutswa Jehu si yelinda kuduka kugenda mu lilaga lya Yahova, Nyasaye wa Israeli, nomwoyo gwigwe gwosi mba: si yavukana ku bwoni bwa Jeroboam, bwa ya gotidzera ku Israeli.

2 Avami 23:3

Na mwami ya singira himbi netiru, na ya kola lilagana imbiri wa Yahova, kulonda Yahova, nokugumira malago gege, nelilolekidza lilye, nemegidzo gege nomwoyo gwosi, na roho gwosi, nokudinyeridza makuva gelilagana yili lya ng'odwa mu kitabu yiki: navandu vosi va singerira lilagana yilyo.

1 Kyetsinyinga 9:2

Kunangwa ku yavo ava tanga kumenva mu miyandu gyavo mmadala gavo va li Israeli, avasalisi, na Valevi, na Va nethinim.

2 Kyetsinyinga 34:31

Na mwami ya singira mbugono bwibwe, na ya lomba lilagana imbiri wa Yahova, kulonda Yahova inyima wewe, nokugumira lilagana lilye, nelilolekidza lilye, na malago gege, nomwoyo gwigwe gwosi, naroho gwigwe gwosi, nokukola ma kuva gelilagana lya ng'odwa mkitabu yiki.

2 Kyetsinyinga 6:16

Kuna ngwa kalunu, O Yahova, Nyasaye wa Israeli, u dukidzire dada wange mutu mekiri wowo Daudi, aga wa mu suuviridza, lwa wa vola, Si u la daka umundu umusatsa mu tsimoni tsya nge wokwikala ku intebe yobwami ya Israeli; ni i va avana vovo va la linda inzira vavo yeng'ine, nokugenda mu malago gange kuli ive wa genda imbiri wange.

Nehemia 13:25

Na nda hangala navo, nokuvakyena, na valala kuvo nda va kuya, nokuva manyula amasu gavo, na nda vesu hidza ku Nyasaye, kuvola, Mu ta va ha avakana venyu va kwebwe ku vayai vavo mba, kandi mu ta vugula vakana vavo nokuha avayai venyu mba, kandi mwinye avene mu ta va kwa mba.

Nehemia 7:46

Na Vanethini: avana va Ziha, avana va Hasufa, avana va Tabaothu

Nehemia 8:2

Ma Ezara musalisi ya leta ama lago, na a ga vika imbiri welivugana Ivavasatsa navakali, na vosi ava nvala kuhulira nokumanya, ku lidiku lyokutanga lyomweli gwa gatano na gyiviri.

Nehemia 8:3

Na ya soma mu, na henzi ku mugidzi munene gwa li imbiri wekiribwa kyamadzi, kutwula ma bwebwe kuduka mbasu hagati, imbiri wavasatsa navakali, na wa yavo ava nyala kumanya; namatu gavandu vosi ga huliridza kitabu kyelilaga.

Nehemia 9:2

Kandi visukululwi vya Israeli veya hula avene ku vageni vosi, na va singira nokweyama ubwoni bwavo, nobudamano bwavaguga vavo.

Nehemia 9:38

Halala na yaga gosi, ku lombanga lilagana lyeligali, na ku li ng'oda; navanene vetu, na Valevi vetu, navasalisi vetu, va vika kulyo muhuri.

Zaburi 105:45

Va duke kugumira amalago gege, Nokulonda lilagana lilye. Mwidzominye Yahova.

Zaburi 119:106

Nzesuhi, kandi ndinyiridzi, Nda gumira malago gogo ma lungi.

Zaburi 8:1

O Yahova, Mwami wetu, Lieta lilyo li dukana nelidzominywa ndi mu lirova lyosi, Ive u viki ubukumi bubwo igulu womigulu

Zaburi 8:9

O Yahova, Mwami wetu, Lieta lilyo li dukana nelidzominywa ndi mu lirova lyosi

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Jeremia 26:4

Na u la va volera, Yahova a vola ndi: Ni mu va ni mu vula kumbulira, kugenda mu lilaga lyange, lya nda vika imbiri wenyu,

Jeremia 34:15

Na kalunu mwinye mu girunkani, nokukola aga lungika imbiri wetsimoni tsyange, ku lilandidzanira libohololwa umundu sa mulala nowakye; na mwa kola lilagana imbiri wange mu inyumba i langangwa ku lieta lyange:

Ezekieli 36:27

Na nda vika Roho wange mu mwinye, na nda mu gendidza mu amalago gange, na mu la gumira miima gyange nokugyikola.

Kyavalevi 20:26

Na mwinye mu la va avatakatifu vange: kigira inze, Yahova mbeye mutakatifu, wa mu twulidza mu tsihiri, mu duke kuva avange.

Malaki 4:4

Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga.

Livalidza 5:21

hene yaho musalisi a lesuhidza mukali ku lisuha lyekilaamo, na musalisi a la volera mukali, Yahova a kole ive kuva kilaamo na lisuha hagati ha vandu vovo, lwa Yahova a kola ivadzwa yoyo kukamika, na inda yoyo kuvimba;

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 15:14

Mwinye mu veye avalina vange, ni mu kola vindu vya mmu laga.

Yohana 7:19

Si ya li Musa wa mu ha lilaga? Navutswa si ha veye nomulala ku mwinye u kola lilaga. Kigira ki mwinye mwenya kunziita?

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Vikolwa 17:34

Navutswa avandu valala va handa kuye ni va suuvira: na kuvo ya li mu Dionusio Muareopago nomukali wa langwa Damara, navandi halala navo.

Vikolwa 23:21

Navutswa u ta bugirira amakuva gavo: kigira avandu va vita amakumi gane va mu setera, va mali kwisuha va ta lia, kandi va ta nwa va kikiri kumwiita: kalunu vetegeki, va linda lisuuviridza lilyo.

Varumi 12:9

Ubuyanzi bu ta va nobugadi. Mu dunyire ubwoni; mu hambane nekyo bulahi.

Kwidzulitsa 33:4

Musa ya ku laga lilaga, Li veye miyandu gyelivugana lya Yakobo.

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.