Nehemia 1:7 - KITABU KITAKATIFU

⁷ ku koli aga veye madamano ku ive, na ku vuli kugumira lilagana, kinga ama lago, kinga likalaga, lya wa laga mutu mekiri wowo Musa.

Nehemia 1:7 Iomraidhean Croise

1 Avami 2:3

u gumire lilaga lya Yahova Nyasaye wowo, u gende mu tsinzira tsitsye, kugumira amalago gege, nemiima gyigye, nelikalaga lilye, nelilolekidza lilye, kuli ga ng'odwa mu itorati ya Musa, u duke kugasidzwa mu gosi aga u kola, na hosi ha u henzanga;

2 Kyetsinyinga 25:4

Navutswa avana vavo si ya viita mba, navutswa ya kola kuli ga ng'odwa mu kitabu kyelilaga lya Musa, kuli Yahova ya laga, na a vola, Vadada va ta kudza kigira avana, kandi avana va ta kudza kigira vadada; navutswa mundu sa mulala a kudze kigira bwoni bwibwe.

2 Kyetsinyinga 27:2

Na ya kola agobulungi mu tsimoni tsya Yahova, kuli gosi ga dada wewe Uzia ya kola: navutswa si yingira mu litempeli lya Yahova mba. Navandu va li ni va ki kolanga ubudamano.

Ezara 7:6

uyu Ezara yanegira kutwula Babuloni. Naye ya li mung'odi musidza welilaga lya Musa, lya Yahova, Nyasaye wa Israeli, lya ya ha avandu: nomwami ya mu kolera kuli amateva gege gosi, kuli mukono gwa Yahova Nyasaye wewe gwa li kuye.

Zaburi 106:6

Ku koli ubwoni halala navadada vetu, Kwoni na ku koli ubudamano.

Zaburi 89:31

Ni vononnya munwa gwange, Na va vula kugumira amalago gange;

Zaburi 89:32

Hene yaho nda va kuya nempimbo kigira mahyolo gavo, Na nda va kuya kigira ubukyamu bwavo.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Danyeli 9:13

Kuli ga ng'owa mu malago ga Musa, kivi yiki kyosi ki duki ku kwinye: navutswa si ku saala liverererwa lya Yahova Nyasaye wetu, kweganire kuleka ubudamano bwetu, nokuva nelimanya mu ageligali gogo.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Kyavalevi 27:34

Yaga ga veye amalago ga Yahova ya laga Musa ku avana va Israeli mu kigulu kya Sinai.

Zefania 3:7

Nda vola, Ligali u ntie; u bugirire kuhebwa mageli; kuduka ubumenyo bwibwe bu la vula kutwu lidzwa, kuli gosi aga nda laga ku makuva gege; navutswa va vuka mabwebwe ni vononnya likola lyavo lyosi.

Malaki 4:4

Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:5

Henza, nda mwegidza amalago nelikalaga, kuli Yahova Nyasaye wange ya ndaga, mu ga kole hagati hekivala kya mwingira mu, kuva miyandu.

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Kwidzulitsa 6:1

Henza, yaga nigo namalago, nemiima namakalago, ga Yahova Nyasaye wenyu ya laga kumwegidza, mu duke kugakola mu kivala ha mwambuka kukigumira;

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.