Nehemia 1:6 - KITABU KITAKATIFU

⁶ ugutu gugwo gu tegidzwe, na tsimoni tsitsyo tsi kunuke, u duke kuhulira lisaala lyomutumekiri wowo, lya nsaalanga imbiri wowo inyinga yiyi, mbasu nobudiku, ku avana va Israeli ava tumekiri vovo, lwa nzeyama ubwoni bwavana va Israeli, ubwa ku koli ku ive. Yee, inze nenyumba ya dada wange ku koli ubwoni:

Nehemia 1:6 Iomraidhean Croise

1 Avami 8:30

Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

1 Avami 8:47

navutswa ni virana mu myoyo gyavo mkivala ha va hilwa, ni virana, nokuhomba ive mu kivala kya yavo ava va hila, ni va vola, Ligali kwa hyola, kwa kola ubukyamu, kwa kola ubudamano;

2 Kyetsinyinga 28:10

Na kalunu mu ganagana kugehidza avana va Yuda na Yerusalemi va gwe avatugwa, nava tugwa vakana venyu: navutswa ku mwinye si ha veye na mahyolo genyu avene hu Yahova Nyasaye wenyu?

2 Kyetsinyinga 29:6

Kigira vadada vetu va girunkana, na va kola budamano mu tsimoni tsya Yahova Nyasaye wetu, nokumuleka, nokugirunkannya mmoni mwavo kutwula ku bumenyo bwa Yahova, nokumukupa mugongo.

2 Kyetsinyinga 6:40

Kalunu, O Nyasaye wange, nku goonya, tsimoni tsitsyo tsi kunuke, namatu gogo ga tege, ku lisaala li kolangwa hano.

Ezara 10:1

Kunangwa inyinga yeyo lwa Ezara ya li na a saalanga nokweyama, nokulira, nokugwa hasi imbiri wenyumba ya Nyasaye, va vugana kuye kutwula mu Israeli vosi livugana linene lyavasatsa navakali navana; kigira avandu yavo va li ni va liranga ligali.

Ezara 10:11

Kunangwa kalunu, mwe yamire Yahova, Nyasaye wavaguga venyu, nokukola aga uyu yenyanga; mweyahule mwinye avene ku avandu vekivala yiki, noku vakali vageni yava.

Nehemia 1:11

O Yahova, mwadza, nku saala ligali, ugutu gugwo gu tegidzwe kuhulira lisaala lyomutumekiri wowo, na lisaala lya vatumekiri vovo, ava sangala mu litia lieta lilyo; na nku saala ligali, u ngasidze inze mutumekiri wowo lero, u mbe tsimbabasi imbiri wo mundu uyu. Kigira inze nda li munwehidze womwami.

Zaburi 102:17

U bugiriye lisaala lyavadaka, Na si a legi lisaala lyavo mba.

Zaburi 106:6

Ku koli ubwoni halala navadada vetu, Kwoni na ku koli ubudamano.

Zaburi 130:2

Mwami, u hulire mwoyo gwange: U tegidze amatu gogo Ku mwoyo gwelisaala lyange.

Zaburi 32:5

Ndeyama ubwoni bwange imbiri wowo, Na si nda visa ubukyamu bwange: Nda vola, Ndeyamira Yahova mahyolo gange; Na ive wa sameha ubukyamu bwobwoni bwange. [Selaha

Zaburi 34:15

Tsimoni tsya Yahova tsi veye ku avobulungi, Na amatu gege ga yeki ku lilira lyavo.

Zaburi 55:17

Mgolova na mugamba na mbasu hagati, nda lira, na nda kenya; Naye a la hulira mwoyo gwange.

Zaburi 88:1

O Yahova, Nyasaye wobuhonnyi bwange, Nzaniye imbiri wowo mbasu no budiku

Isaya 6:5

Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

Lisyoma lya Jeremia 5:7

Avaguga vetu va kola ubwoni, na si va veye ho; Na kwinye ku gingi budamano bwavo.

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Danyeli 9:20

Inyinga nda li mu livola, nomu lisaala, nomu lyeyama ubwoni bwange nobwoni bwa avandu vange Israeli, nokusunda lisaala lyange imbiri wa Yahova Nyasaye wange kigira kigulu kitakatifu kya Nyasaye wange;

Danyeli 9:4

Na nda saala Yahova Nyasaye wange, nokweyama ubwoni, nokuvola, O Mwami, Nyasaye munene nowokutihidza, u gumiranga lilagana, netsimbabasi navo ava mu yanzanga nokugumira malago gege,

Danyeli 9:5

kwinye kwoni, nokukyaminya amakuva, nokukola ubudamano, nokwebaala, kuduka ku goveye kutwula ku megidzo gogo, na amalago gogo;

Danyeli 9:8

O Mwami, ubweluliri bwomoni bu veye bwetu, nobwa avami vetu, nobwa vanene vetu, nobwa avaguga vetu, kigira kwoni ku ive.

Luka 18:7

Kandi Nyasaye si a la kalagira avatovole veve, ava mwanira mbasu nobudiku, navutswa a likudzira kuvo?

Luka 2:37

kandi ya li mukunzakali imihiga gyi duka amakumi gatanu na gavaka nemihiga gyine), wa vula kutwula mu litempeli, na a sigamira halala nokuhonga lilia nelisaala ubudiku nombasu.

Vafeso 2:3

Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

1 Timoteo 5:5

U veye mukunzakali weligali, kandi a veye yeng'ine u veye nelisuuvira lilye ku Nyasaye kandi u menyanga mu lisaala nomu lihomba ubudiku nombasu.

2 Timoteo 1:3

Nsantidzanga Nyasaye, wa ntumekira nomwoyo mulahi, kutwula ku vaguga vange, kuli wa mbongeranga kwidzulira ive mu lisaala lyange ubudiku nombasu.

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.