Marko 6:3 - KITABU KITAKATIFU

³ Uyu si ya li mbadzi, mwana wa Maria, amwavo wa Yakobo na Yose na Yuda na Simoni? Kandi vabotso veve si va li hano halala na kwinye? Ku, va mu vihirirwa.

Marko 6:3 Iomraidhean Croise

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Matayo 11:6

Kandi ku vosi u vula kulola ku inze kyokwikigitala, a veye nobugasu.

Matayo 12:46

Lwa ya li na a volera ndi viduma, henza, mama wewe navamwavo veve va singira kyova, ni venya kuvolerana naye.

Marko 15:40

Kandi avakali va singira ihale ni va henza: avalala kuvo va li Maria Magdalene, na Maria mama wa Yakobo mke na Yose, na Salome;

Marko 3:18

Kandi Andreya na Filipu, na Bartlomeyo, na Matayo, na Tomasi, na Yakobo wa Alfayo na Tadayo na Simoni Mukanani

Luka 2:34

kandi Simeoni ya va saavira ubu lahi, na a volera Maria mama wewe, Henza, mwana uyu u vikeywi, ava nyingi ku Israeli va gwe kandi va vuke; kandi a ve kiloleru ki li hangalidzwa;

Luka 7:23

Kandi uyu a veye nobugasu u li vula kulala ku inze kyokwikigitala.

Luka 8:20

Ya volerwa, Mama wowo navamwavo vovo va singiye kyova venya kukulola.

Yohana 14:22

Yuda (u ta li Iskarioti) ya mu volera, Mwami, ga la va ndi ive u la vuulikira kwinye, navutswa u ta vuulikira avomkivala?

Yohana 6:42

Kandi va vola, Uyu si a li Yesu mwana wa Yosefa, wa ku manya dada wewe na mama wewe? Kigira ki kalunu a vola, Ndula migulu?

Vikolwa 1:13

Lwa va mala kwingira mu, va nina mu inyumba yigulu, ya va menya mu, Petro, na Yohana, na Yakobo, na Andreya, na Filipu, na Tomasi, na Bartlomeyo, na Matayo, na Yakobo wa Alfayo, na Simoni Zelote, na Yuda wa Yakobo.

Vikolwa 12:17

Navutswa ya va sima nomukono va kiring'ane, na a va volera kuli Mwami ya mu twulidza mu inyumba yavahambe. Na a va volera, Mu voiere Yakobo amakuva yaga navamitu vosi. Naye ya twula na a tsia ahandi.

1 Vakorintho 1:23

navutswa kwinye kwilwadza Kristo wa bambwa, ku Vayuda a veye kyokwikigitalidza, na ku Tsihiri a veye ubusiru;

1 Vakorintho 9:4

Si ku veye netsingulu kulia nokunwa?

Vagalatia 1:19

Navutswa avandi ku vatumwa si nda va lola, navutswa na a ta li Yakobo, amwavo wo Mwami.

1 Petro 2:4

Mwa tsia kuye, ligina li veye mwoyo, lya vandu vambakana ligali, navutswa lya Nyasaye a tovoye, lyobukumi,

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo: