Marko 3:5 - KITABU KITAKATIFU

⁵ Lwa ya va henza na a vihirirwa, na a verera kigira budinyu bwemyoyo gyavo, ya volera mundu, Nyira mukono gugwo. Na a nyira mukono ni gu hona ni gu leng'ana nogundi.

Marko 3:5 Iomraidhean Croise

Litanga 6:6

Na Yahova yeganira ku lilomba mundu ku lirova, na a vereridzwa mmowyo gwigwe.

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

Nehemia 13:8

Na ga mberereridza ligali: ma nda ta viju vyosi vya Tobia, ni mbi twulidza mu inyumba zana.

Zaburi 95:10

Mihiga makumi gane nda verereridzwa nelikula yilyo, Na mbola, Va veye ihiri ya avandu va gota mu myoyo gyavo Na va vuli kumanya tsinzira tsyange:

Matayo 12:13

Hene yaho ya volera mundu, Nyira mkono gugwo. Naye ya nyira; nagwo gwa hona ni gu leng'ana nogundi.

Marko 3:4

Kandi ya va volera, Nobulahi kukola bulahi mu lisabato naho kukola ubudamano? Kuhonnya liva mwoyo naho kwiita? Navutswa va kiring'ana.

Luka 13:15

Navutswa Mwami ya mu tivulira na a vola, Mwinye avagadi, Ku mwinye sa mulala si mu boholola ing'ombe yenyu kinga isukiri yenyu kutwula mu kego, mu tsia kuginwehidza ku lidiku lyelisabato?

Luka 17:14

Lwa ya va lola ya va volera, Mu tsie kwemannya ku vasalisi. Kuna ngwa lwa va li ku inzira va takaswa.

Luka 6:10

Ya va henza vosi, na a mu volera, Nyira mukono gugwo. Na a kola: na mukono gwigwe gwa lungikidzwa.

Yohana 9:7

kandi ya mu volera, Tsia, wisaave mu lidavalia lya Siloam (litivula li veye kuvola, Wa tumwa). Ya tsia ni yisava ni yadza na a lola.

Varumi 11:25

Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira;

2 Vakorintho 3:14

navutswa tsi ganagani tsyavo tsya kolwa tsindinyu: kigira kuduka kali lero malago ga kale ni ga somwa, ingubo inzasasu i vedza ho, ga vula kuvuulika kuvo bwasasu bwa twulidzwa mu Kristo.

Vafeso 4:18

limanya lyavo li koleywi kisundi, va sundeywi hale nelivamwoyo lya Nyasaye, kigira livula kumanya li veye muvo, kigira myoyo gyavo gyi koleywi midinyu;

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Vahebraina 3:10

Kigira yaga nda vihirirwa likula yili, Kandi nda vola, Kazozo va kyama mu myoyo gyavo; Kigira yaga si va manya tsinzira tsyange;

Vahebraina 3:17

Kandi ni bwaha ava ya vihirirwa mihiga makumi gane? Si va li yavo ava kola ubwoni, avemibiri gyavo gya gwa mu kyangalangwi?

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Likunula 6:16

navo va volera vigulu namagina, Ku gwiri nokukuvisa imbiri wa uyu wikaye ku intebe, kandi ku butima bwo Mwana Weligondi;

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.

1 Samweli 20:34

Ma Jonathan ya singira ha imeza na a ve nobutima bululu ligali, na ya vula kulia kindu kali hakuzuzu lidiku lya kaviri lyomweli, kigira ya vererera Daudi ligali, kigira dada wewe ya mu legannya.