Marko 13:8 - KITABU KITAKATIFU

⁸ Ihiri nehiri va la vukerana, nobwami nobwami bu la vukerana, kandi mu vivala vinyingi lirova li la degera; tsitodzo tsi la va mu lirova: vindu yivi vi veye litanga lyokukupa kivi.

Marko 13:8 Iomraidhean Croise

2 Kyetsinyinga 15:6

Na ihiri yononnya ihiri, nelidala lyononnya lidala; kigira Nyasaye ya va dambidza nelidambidza lyosi.

Zaburi 48:6

Lidegera lya va gumira ha zana Nobululu kuli mukali wenya kwi vula.

Isaya 19:2

Na nda vukidza Avaegepeti kuhing'ana na Avaegepeti: na va la lwana sa mulala namwavo wewe, sa mulala na wakye; lidala nelidala, ubwami nobwami.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 37:3

Va mu volera, Hezekia a vola, Lidiku lya lero yili li veye lidiku lyekivi, nelyokuhebwa mageli, nelya manyego; kigira avana va duki kwivulwa, netsingulu tsyokwivula si tsi ve ho mba.

Jeremia 13:21

U la vola ki ive lwa a vika yavo kuva mutwe ku ive, wa ive mwene u vegidza va ve avalina vovo? Ubusaliri si bu la ku gumira kuli mukali u veye mu lilumwa lilyei

Jeremia 22:23

O ive u menyanga Lebanon, wombakanga kyaalira kikyo mu mitaragwa, kuli ga li ku dukira ku vereerwa lwa lilumwa li duka ku ive lilumwa kuli lyomukali wivulangai.

Jeremia 25:32

Yahova wa mahe a vola, Henza ubudamano bu la twulira ihiri yiyi kuduka ihiri yiyi, na kihi kinene ki la vukidzwa kutwulira ku tsimbega tsyekiheri tsyelirova.

Jeremia 4:31

Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.

Jeremia 49:24

Damasko, tsingulu tsitsye tsi gehi, u girunkani a duke kwiruka, u gumeywi nelidegera: kivi neliverera vi mu gumiye, kuli mukali mu lilumwa lilye.

Jeremia 50:43

Mwami wa Babuloni a huliye makuva gavo na makono gege ga dendeya: kivi ki mu gumiye, nelitsunwa kuli mukali mu lilumwa lilye.

Jeremia 6:24

Ku huliye lusuma lwilwe; namakono getu ga gwa madedekere: litsunwa li ku gumiye, na lilumwa kuli mukali mu lilumwa lilye.

Haggai 2:22

na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe.

Zekaria 14:13

Na ga la duka ku lidiku yilyo, kivi ki twula ku Yahova ki la va hagati havo; navo va la gumirana mukono sa mulaia no wakye, kandi sa mulala mukono gwigwe gu la gingwa igulu ku mukono gwo wakye.

Matayo 24:8

Navutswa vindu yivi vyosi vi veye litanga lyobusaliri.

Marko 13:7

Kandi lwa mu li hulira mahe nolusuma lwamahe mu ta henda myoyo mba: vindu yivi vi la niga kukolwa; navutswa kiheri ki kikiri kuduka.

Marko 13:9

Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo.

Vikolwa 11:28

Kandi mundu mulala kuvo wa langwa Agabo ya singira, na a lolekidza netsingulu tsya Roho, inzala inene i ladza mu lirova lyosi: nayo ya duka mu madiku ga Klaudio.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

Likunula 6:4

Kandi iparasi yindi ya twula, iparasi inzakanyu: kandi uyu wikala ku ya hebwa kutwulidza mirembe mu mirova, va duke kwiitana avene navene: kandi ya hebwa kivavi kinene.