Litanga 6:3 - KITABU KITAKATIFU

³ Na Yahova ya vola, Roho wange si a la hing'ana nomundu, mihiga nemihiga, kigira a veye inyama kandi: navutswa madiku gege ga la va mihiga mia na makumi gaviri.

Litanga 6:3 Iomraidhean Croise

Litanga 6:2

avanava Nyasaye va lola avakana va vandu va veye avalahi; na vevugulira kuvo avakali ava va tovola.

Nehemia 9:30

Navutswa wekudzira kuvo mihiga minyingi, na wa lolekidza kuvo na Roho wowo ku vaprofeti vovo: navutswa si va yanza ku tegidza amatu: kigira yaga wa va vika mmakono gavandu vevivala yivyo.

Zaburi 78:39

Naye yidzulitsa va veye inyama vutswa, Na ua veye imbuudza i vitanga, i vula kwirana mba.

Zaburi 90:10

Madiku gemihiga gyetu ga veye mihiga makumi gatano na gaviri, Kinga ku tsingulu gyi nyala kuduka makumi gatano na gavaka; Navutswa uluyai lwagyo lu veye miyinzi na livererera vutswa; Kigira gyi vita bwangu na ku vita.

Isaya 5:4

Ha veye na miyinzi ki n gyindi gya li kunyala kukolwa mu kizabibu kyange, gya nda vula kukola? Kunangwa, kigira ki lwa nda henzerera kyame mazabibu, navutswa kyama mazabibu gomulitu?

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 11:7

Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Livalidza 11:17

Na inze ndika nokuvolerana nive ha zana: na nda vugula ku Roho u veye ku ive, nokuvika kuvo, navo va Ia ginga musigo gwa avandu halala nive, ive u vule kuguginga weng'ine.

Yohana 3:6

Kyomubiri gwivula nu mubiri; kandi kya Roho yivula ni roho.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

1 Vatesalonike 5:19

Mu ta siminya Roho;