Litanga 39:2 - KITABU KITAKATIFU

² Kandi Yahova ya li halala na Yosefa, naye ya li wobugasu; na ya li mu inyumba yomwami wewe Muegepeti.

Litanga 39:2 Iomraidhean Croise

Litanga 21:20

Kandi Nyasaye ya li halala nomwana, na a viruka; na a menya mwigendinyama, lwa ya li na a virukanga ya gwa mulasi wembano.

Litanga 21:22

Kunangwa inyinga yeyo, Abimeleku na Fikolu nlunene welihe lilye va volerana na Abrahamu, ni va vola Nyasaye a veye halala na ive mu vyosi vya u kolanga:

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 26:28

Navo va vola, Kwa lola bulahi Yahova a veye halala nive: na kwa vola, Lyesuha li ve hagati hetu kalunu, kali hagati hetu na ive, ku lombe lilagana halala nive;

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 39:23

Mulindi wenyumba yavahambe si ya henza kindu kali kilala, kya li mu mukono gwigwe, kigira Yahova ya li halala naye; na vyosi vya ya kola, Yahova ya vi kola vi ve nobugasu.

Litanga 39:3

Na mwami wewe ya lola Yahova a veye halala naye, na Yahova ya gasidza vyosi vya li mu makono gege.

2 Avami 18:7

Yahova ya li halala naye; hosi ha ya tsia ya gasidzwa: na ya kola bwebaali ku mwami wa Asuria, na a vula kumutumekira.

1 Kyetsinyinga 9:20

Na Finehasi mwana wa Eleazaru yameha kuvo mmadiku ga vita. Yahova ya li halala naye.

2 Kyetsinyinga 1:1

Na Solomoni mwana wa Daudi ya nyola tsingulu mu bwami bwibwe, na Yahova Nyasaye wewe ya li halala naye, na a mu kuminya ligali.

Zaburi 1:3

A la fwanana nomusala gu simikwa himbi nemigera gyamadzi, Gwamanga ku muhiga gwagwo, Matu gagwo si ga niala mba; Na vyosi vya a kola vi la gasa.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Jeremia 15:20

Nda kola ive u ve lidigi lyolugaga lwomugasa ku vandu yava; navo va la lwana nive, navutswa va la vula kukuguuta: kigira mbeye halala nive kukutungira nokukuhonnya, Yahova a vola.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Vikolwa 8:31

Ya mu tivulira, Mbulira ndi, ni nta nyola mundu kunzimirira? Kandi ya saala Filipu a nine yikale naye.

1 Timoteo 6:1

Ku vatugwa ava veye isi wenira va vole avanene vavo va dukani nelidzominywa lyosi, lieta lya Nyasaye halala namegidzo li ta nyegwa.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 6:27

Ni ndiyo Yahova ya li halala na Joshua; lidzominywa lilye lya landa mkivala yikyo kyosi.

1 Samweli 16:18

Ma mulala kuvo avasoleli, ya tivula na a vola, Henza, ndoli mwana mulala wa Jesse Mubeth-lehemu, a veye musidza wokukupa ubukana, kandi a veye muluviriri, na a veye mundu welihe, nomugeeri mu livola, naye a veye mundu mulahi; na Yahova a veye halala naye.

1 Samweli 18:14

Na Daudi ya kola nobugeeri mu tsinzira tsitsye tsyosi; na Yahova ya li halala naye.

1 Samweli 18:28

Na Saulo ya lola na a manya Yahova a veye halala na Daudi; na Mikali mukana wa Saulo ya mu yanza.

1 Samweli 3:19

Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.