Litanga 3:8 - KITABU KITAKATIFU

⁸ Na va hulira mwoyo gwa Yahova Nyasaye a gendanga mmulimi inyinga yembuudza yomgolova: na musatsa nomukali wewe vevisa mmoni mwa Yahova Nyasaye hagati ha misala gyomulimi.

Litanga 3:8 Iomraidhean Croise

Litanga 18:33

Kunangwa Yahova ya tsia, lwa ya mala kuvolerana na Abrahamu: na Abrahamu yirana hehe.

Litanga 3:10

Naye ya tivula, Nda hulira mwoyo gugwo mmulimi, ni ntia kigira nda li kyahonyo; ma nzivisi.

Ayubu 22:14

Malesi maliduhu ga gwiye kikuniko kikye, u vule kulola: Na a gendanga ku bwikudumbu bweligulu.

Ayubu 31:33

Mba wa kunika amahyolo gange kuli Adamu, Ku livisa budamano bwange mu kiritu kyange,

Ayubu 38:1

Hene yaho Yahova ya tivulira Ayubu mu kihudzudzi, nokumuvolera

Tsing'ano 15:3

Tsimoni tsya Yahova tsi veye hosi, A lolanga madamano na malahi.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Hosea 10:8

Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

Kyavalevi 26:12

Na nda genda halala na mwinye, na nda va Nyasaye wenyu, na mwinye mu la avandu vange.

Jona 1:3

Navutswa Jona ya vuka kwiruka kutsia Tarshishi kutwula imbiri wa Yahova; na ya sulunguta kutsia Yopa, na a lola yo liato li tsitsanga Tarshishi: ma ya tunga mitungu gyalyo, na a tsia mulyo, a tsie Tarshishi halala navo kutwula imbiri wa Yahova.

Varumi 2:15

Ku makuva yaga va vuulanga miyinzi gyelilaga lya ng'odwa mu myoyo gyavo, netsiganagani tsyavo luganolugano tsi va kalagira kinga tsi ra vera):

Kwidzulitsa 23:14

kigira Yahova Nyasaye wowo a gendanga mu hokusosa, kukuhonnya, nokukuvikira havulavu vasigu vovo imbiri wowo; kigira yaga hokusosa hoho ha ve hatakatifu, gase a la lola ku ive kindu ki ta li kisiyeku, na a la girunkana kukuleka.

Kwidzulitsa 4:33

Madiku gosi ha ve ho navandu ava hulira mwoyo gwa Nyasaye a volanga hagati homuliru, kuli ive wa hulira, nokuvula kukudza?

Kwidzulitsa 5:25

Kunangwa kalunu ku kudza ndi?Kigira muliru munene yigu gu la ku samba: ni kuva ni ku hulira kandi mwoyo gwa Yahova Nyasaye wetu, ku la kudza.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 6:15

Kandi avami velirova, navanene navanyampara, navatugi, navetsi ngulu, navatugwa vosi, nava luhya vosi, vivisa mu tsimbangaywa nomu magina gevigulu;