Litanga 3:5 - KITABU KITAKATIFU

⁵ kigira Nyasaye a manya ku lidiku lya mu lia ku, tsimoni tsyenyu tsi la kunulwa, na mu la va kuli Nyasaye, mu limanya ubulahi nobudamano.

Litanga 3:5 Iomraidhean Croise

Litanga 2:17

navutswa ku musala gwelimanya ubulahi nobudamano, u ta lia kugwo: kigira ku lidiku lya u lia kugwo ligali u la kudza.

Litanga 2:9

Na Yahova Nyasaye ya meridza misala gyosi gyi yanzidzanga ku liloleka lyagyo, na gyi veye milahi ku vyokulia, kandi musala gwelivamu oyo hagati homulimi, na musala gwelimanya ubulahi nobudamano.

Litanga 3:10

Naye ya tivula, Nda hulira mwoyo gugwo mmulimi, ni ntia kigira nda li kyahonyo; ma nzivisi.

Litanga 3:22

Kandi Yahova Nyasaye ya vola, Henza, Adamu u gwiye kuli mulala ku kwinye, ku limanya ubulahi nobudamano; kalunu gase a la nyira mukono gwigwe, nokuvugula kandi ku musala gwelivamwoyo nokulia, nokuhindira mihiga nemihiga:

Litanga 3:7

Nonoho tsimoni tsyavo vombi tsya kunuka, navo va manya va veye kyahonyo; na va nava amatu gemisala gamakuyu, na velombera avene tsingubo.

1 Avami 22:6

Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

2 Kyetsinyinga 32:15

Kunangwa kalunu Hezekia a ta mu gada mba kandi a ta mu goonya ku inkuva yiyi, kandi mu ta bugirira mba; kigira si ha veye nanyasaye mu tsihiri tsyosi, kinga ubwami u nyala kuho nnya avandu veve mmukono gwange, nomukono gwavadada vange: nasindi Nyasaye wenyu a la nyala ndi kumuhonnya mmukono gwange?

Zaburi 12:4

Yava ava vola, Ku la guuta nolulimi lwetu Ku veye neminwa gyetu: ibwaha u veye mwami ku kwinye?

Kutwula 20:7

U ta tala vutswa lieta lya Yahova Nyasaye wowo; kigira Yahova si a la vula kulola mahyolo ku uyu u talanga vutswa lieta lilye.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Isaya 14:14

nda nina igulu kuvita ubwerefu bwamalesi; ndekola mwene kuva lugano lulala na uyu U Veye Igulu Ligali.

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Ezekieli 28:12

Ive, mwana womundu, u syomere mwami wa Turo, u mu volere, Mwami Nyasaye a vola ndi: Ive u viki muhuri ku kigero, kizuye ubugeeri, nokudukira mu bulahi.

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 28:9

Kuduka kalunu u la vola imbiri wa uyu wiitanga ive, Inze mbe ye Nyasaye? Navutswa u veye mundu, si u veye Nyasaye, mmukono gwa uyu u kwata tsing'oma.

Ezekieli 29:3

moloma, u vole, Mwami Nyasaye a vola ndi Henza, mbeye musigu ku ive, Ive Farao mwami wa Egepeti, guyoka gunene ogu gonekanga hagati hemigera gyigye, wa vola, Mugera gwange gu veye gwange inze mwene, nda gu lomba kigira inze mwene.

Danyeli 4:30

Mwami ya moloma na a vola, Yili si li veye Babuloni linene, lya nyombaki netsingulu tsyange kuva inyumba yobwami, kandi kuva lyelidzominywa lyobunene bwobukumi bwange?

Danyeli 6:7

Avimiriri vosi vobwami, na vanyampara, na avanene, na avavoli na vagovona, va volerana avene kusingeridza munwa gwomwami, nokulomba likuva lyelilaga linene, kuvola, Mundu ku vosi yenya kusaala kindu ku munyasaye kinga ku mundu, mu tsinyinga tsyamadiku makumi gavaka, ni ga ta li ku ive, O mwami, a la tebwa mu luhangaywa lweving'ang'a.

Matayo 6:23

Navu tswa imoni yoyo ni i veye indamano, mubiri gugwo gwosi gu lizula kisundi. Ubulavu bu veye mu ive ni bu veye kisundi, kisundi ki veye kinene ndi

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 13:4

ni va sigamira guyoka, kigira gwa ha inyama lihaana munwa lyayo; kandi va sigamira inyama, ni va vola, Ibwaha u leng'ana noyu inyama? Kandi ibwaha u nyala kulwana naye?

Vakalagi 3:2

visukululwi vyavana va Israeli vi duke kumanya, kuvegidza bulwani, kuduka ku yavo ava vula kubumanya ku matsyambiri: