Litanga 27:2 - KITABU KITAKATIFU

² Na ya vola, Henza, kalunu mbeye musakulu, si mmanya lidiku lyelikudza lyange.

Litanga 27:2 Iomraidhean Croise

Litanga 27:3

Kunangwa, mwadza, nkugoonya u vugule vyuma vivyo, imodia yoyo, na ubuta bubwo, u tsie mu bulimu, u nyolere inyama;

Litanga 47:29

Na inyinga yelikudza lya Israeli ya duka himbi: naye ya langa mwana wewe Yosefa, na a mu volera, Ni mba ni mberereywi imbiri wetsimoni tsyitsyo, nku goonya u vike mukono gugwo ku ivadzwa yange, u nkolere malahi na ageligali: u ta nta mu Egepeti mba, nku goonyanga;

Litanga 48:21

Na Israeli ya volera Yosefa, Henza, nkudzanga: navutswa Nyasaye a la va halala nemwinye, naye a la mu hila kumuvika kandi mu kivala kya avaguga venyu.

Tsing'ano 27:1

U te yiidzominya ku mugamba; Kigira si u manya inkuva yelidiku li nyala kuleta.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Isaya 38:1

Mmadiku yago Hezekia ya lwala kuduka ku likudza. Na Isaya muprofeti mwana wa Amozu ya tsia ku mwami, na a mu volera, Yahova a ku volera, U lohidze vindu vyosi vyenyumba yoyo; kigira u la kudza, si u la va mwoyo mba.

Isaya 38:3

na a vola, O Yahova nku goonya, widzulire kalunu, kuli nda genda imbiri wowo mu geligali nomwoyo mudu kiru, na nda kola malahi imbiri wetsimoni tsitsyo. Hezekia ya lira ligali.

Marko 13:35

Kigira yaga mu linde: kigira si mu manya inyinga yomwami wenyumba a li duka, ni i va mgolova, kinga mu budiku hagati, kinga inyinga idaywa i lagula, kinga mugamba tsuli;

Yakobo 4:14

navutswa mwinye si mu manya aga na ga ve ho mugamba. Livamwoyo lyenyu li veye ki? Kigira mwinye mu veye mwika ogu loleka inyinga inkekeke, ma gu gota.

1 Samweli 20:3

Na Daudi yesuha, na a vola, Dada wowo a manya ligali inze nyoye liverwa imbiri wetsimoni tsitsyo; naye a volanga, Mu ta leka Jonathan a manye kindu yiki mba, gase a la mu vererera: navutswa ligali, kuli Yahova a veye mwoyo, na kuli mwoyo gugwo gu veye mwoyo, li veye ho ligenda lilala lyeng'ine hagati hange nelikudza.