Litanga 26:3 - KITABU KITAKATIFU

³ wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 26:3 Iomraidhean Croise

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 13:15

kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 13:17

Vuka, u gende mu kivala mu butambi bwakyo nomu bugalamu bwakyo; kigira nda ku ha kivala yiki.

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 17:19

Nyasaye ya vola, Auwa, navutswa Sara mukali wowo a la kwivulira mwana; na u la mu gulika lieta lilye Isaka, na nda singeridza lilagana lyange naye kuva lilagana lyemihiga nemihiga noku visukululwi vivye inyima wewe.

Litanga 17:8

Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.

Litanga 20:1

Kandi Abrahamu ya samula kutwula ho kutsia ku luvega lwa Kusini, na a menya hagati ha Kadesh na Shur; na a menya mu Gerari.

Litanga 25:11

Kunangwa inyima welikudza lya Abrahamu, Nyasaye ya gasidza Isaka mwana wewe: na Isaka ya menva ha Beerlahairoi.

Litanga 26:12

Na Isaka ya taga mulimi mu kivala zana, na a gesa ku muhiga yigwo kilala kya leta mia: na Yahova ya mu gasidza.

Litanga 26:14

Naye ya li nobutugi bwamagondi netsing'mbe, na vandu vanyingi: na Vafilisti va mu kendekera.

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 31:3

Na Yahova ya volera Yakobo, Wirane ku kivala kya vadada vovo, noku aviko vovo, na inze nda va halala nive.

Litanga 35:12

kandi kivala kya nda ha Abrahamu na Isaka, nda ha ive, na kisukululwi kikyo inyima wowo nda va ha kivala.

Litanga 39:2

Kandi Yahova ya li halala na Yosefa, naye ya li wobugasu; na ya li mu inyumba yomwami wewe Muegepeti.

Litanga 39:21

Navutswa Yahova ya li halala na Yosefa, na a mu vera tsimbabasi imbiri womulindi wenyumba yavahambe.

Litanga 48:21

Na Israeli ya volera Yosefa, Henza, nkudzanga: navutswa Nyasaye a la va halala nemwinye, naye a la mu hila kumuvika kandi mu kivala kya avaguga venyu.

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

1 Kyetsinyinga 16:16

Lilagana lya ya lomba na Abra hamu, Lisuha lya yisuhira Isaka,

Zaburi 105:8

Yidzulitsi lilagana lilye mihiga nemihiga, Likuva lya ya laga ku visukululwi elfu

Zaburi 105:9

Lilagana lya ya lomba na Abrahamu, Na lyesuha lilye lya yisuhira Isaka,

Zaburi 32:8

Nda ku ha ubugeeri nokukwegidza inzira ya u li vitira ku: Nda kwimirira nemoni yange.

Zaburi 39:12

U hulire lisaala lyange, O Yahova, u hulire lilira lyange U ta kirang'ana ku maliga gange: Kigira mbeye ku ive mugeni, Na mumenya kuli avaguga vange vosi.

Kutwula 2:24

Na Nyasaye ya hulira likenya lyavo, na Nyasaye yidzulitsa lilagana lilye lya ya kola na Abrahamu, na Isaka, na Yakobo.

Kutwula 3:12

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Kutwula 6:4

Kandi nsingeridzi lilagana lyange halala navo, nduke kuvaha kivala kya Kanani, kivala kye limenya lyavo, kya va li va menya mukyo.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 6:8

Kandi nda mu leta mu kivala kya ndisuhira Abrahamu, Isaka, na Yakobo kuvaha; na nda ki haana ku mwinye ki ve miyandu gyenyu: mbeye Yahova.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Vafilipi 4:9

Vindu vya mwega ku inze nokuvugula kandi vya mwa hulira nokulola ku inze, mu kole vindu yivi: na Nyasaye wemirembe a la va halala nemwinye.

Vahebraina 11:9

Ku lisuuvira ya gwa mumenyi mu kivala kyelisuuviridzwa, kuli a veye mu kivala ki ta li kikye, nokumenya mu mahema halala na Isaka na Yakobo ava li vemiyandu gyelisuuviridzwa zana halala naye:

Vahebraina 6:17

Ku likuva yili, Nyasaye ya lalira kumannya ligali kuvita avemiyandu ava li lia miyandu gyelisuuviridzwa, kuli amakuva gege ga ta veye neligirunkana, ya vika lyesuha hagati havo;