Litanga 22:3 - KITABU KITAKATIFU

³ Na Abrahamu ya vuka mabwebwe, na yaala ku isukiri vyokwikala ku, na a hila avasoleli veve vaviri, na Isaka mwana wewe; kandi ya syaga tsinku tsyekihaanwa kyokusambwa na a twula na a tsia ha Nyasaye ya li kumuvolera.

Litanga 22:3 Iomraidhean Croise

Litanga 17:23

Na Abrahamu ya vugula Ishmaeli mwana wewe, na vosi avivulwa mu inyumba yeye, na vosi ava gulwa na ifetha yeye, avasatsa avombandu va inyumba ya Abrahamu, na a va keva magodo gemibiri gyavo ku lidiku zana, kuli Nyasaye ya mu volera.

Litanga 21:14

Na Abrahamu ya vuka mabwebwe, na a vugula ubukima na kimuga kya amadzi, na a ha Hagari ya vi vika ku livega lilye, kandi mwana, na a mu twulidza: naye ya tsia, na a gendagenda mu kyangalangwi kya Beer-sheba.

Litanga 22:18

na tsihiri tsyosi tsi la gasidzirwa ku kisukululwi kikyo, kigira ive u huliye mwoyo gwange.

Litanga 22:2

Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

Litanga 22:4

Ku lidiku lya kavaka Abrahamu ya ginga tsimoni tsitsye, na a lola ha zana ha veye ihale.

Zaburi 119:60

Nda kola bwangu, na si nda linda gira, Kugumira malago gogo.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Luka 14:26

Mundu ni yadza ku inze na a ta dunyira dada wewe, na mama wewe, nomukali, navana, navamwavo, navabotso, yee neliva mwoyo lilye kandi, si a nyala kuva mwegidzwi wange mba.

Vagalatia 1:16

lwa yenya kulahg'ami nya Mwana wewe mu inze, nduke kumwilwadza mu Tsihiri; nonoho nda vula kwenya amakuva gowomubiri namasahi:

Vahebraina 11:8

Ku lisuuvira Abrahamu lwa ya langwa, ya hulira a twule a tsie aha a li nyola ha ve miyandu gyigye; naye ya twula na a tsia na a ta manya wa a tsitsanga.

Joshua 3:1

Ma Joshua ya vuka mugamba mabwebwe, va twula Shitim, ni va duka ku mugera gwa Yordani, uyu na avana va Israeli vosi; na va menya ho lwa va kikiri kwambuka.

Joshua 8:10

Na Joshua ya vuka mabwebwe, na ya vungidza avandu, ni yanegira, uyu na vakulundu va Israeli, imbiri wa avandu kutsia Ai.