Litanga 22:2 - KITABU KITAKATIFU

² Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

Litanga 22:2 Iomraidhean Croise

Litanga 17:19

Nyasaye ya vola, Auwa, navutswa Sara mukali wowo a la kwivulira mwana; na u la mu gulika lieta lilye Isaka, na nda singeridza lilagana lyange naye kuva lilagana lyemihiga nemihiga noku visukululwi vivye inyima wewe.

Litanga 21:12

Na Nyasaye ya volera Abrahamu, I ta va indinyu ku ive kigira mwana, kandi kigira mkana mutugwa wowo; ku vyosi vya Sara a ku volera, u hulire mwoyo gwigwe, kigira kisukululwi kikyo ki la langwa mu Isaka.

Litanga 21:3

Na Abrahamu ya gulika lieta lyomwana yivulwa kuye, wa Sara ya mwivulira, Isaka.

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Litanga 22:16

na a vola, Ndisuha ku inze mwene, Yahova a vola, kigira u koli inkuva yiyi, kandi si u nyimi mwana wowo, mwana muderwa wowo,

Litanga 22:3

Na Abrahamu ya vuka mabwebwe, na yaala ku isukiri vyokwikala ku, na a hila avasoleli veve vaviri, na Isaka mwana wewe; kandi ya syaga tsinku tsyekihaanwa kyokusambwa na a twula na a tsia ha Nyasaye ya li kumuvolera.

Litanga 22:9

Na va duka ha zana ha Nyasaye ya li kumuvolera; na Abrahamu yombaka ho ubwali, na a lohidza ku tsinku, kandi ya boha Isaka mwana wewe, nokumuvika ku bwali, ku tsinku.

Litanga 8:20

Kandi Nuhu yombakira Yahova bwali; na a vugula ku tsinyama tsinifu tsyosi, noku manyonyi manifu gosi, na a leta vihaanwa vyokusambwa ku bwali.

2 Avami 3:27

Hene yaho ya vugula mwana wewe, wa tanga kwivulwa, uyu wa dukana nelyameha mbugono bwibwe, nokumuhaana a duke kuva kihaanwa kyokusambirwa ku lidigi. Na ha li nobutima bunene ku Israeli; navo va mu leka, ni virana mu kivala kyavo.

2 Kyetsinyinga 3:1

Ma Solomoni ya tanga kwombaka inyumba ya Yahova mu Yerusa lemi mu kigulu kya Moria, ha Yahova ya loleka ku dada wewe Daudi, ha ya lomberwa ha zana ha Daudi ya laga, mu lodze lwa Orinan Mujebusi.

Mika 6:7

Yahova a la yanzidzwa netsieifu tsya magondi makole, kinga nemigera gyamaguta tsielfu likumi? Mbaane wokutanga kwivulwa wange kigira mahyolo gange, lwivulu lwomubiri gwange kigira bwoni bwomwoyo gwange?

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Varumi 5:8

Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

Vahebraina 11:17

Ku lisuuvira Abrahamu, lwa ya geridzwa, ya twulidza Isaka, a ve kisyuviriru: yee, uyu ya vugula lisuuviridzwa nobuyanzi ya li na a twulidza mwana wewe muderwa;

Vakalagi 11:31

hene yaho ga la va, ku vyosi ki twula mu viliango vyenyumba yange kuvugana ninze, lwa ngereranga nemirembe kutwula ku avana va Amon, kindu l yiki ki la va kya Yahova, naho nda ki haana ki ve kihaanwa kyokusambwa.

Vakalagi 11:39

Na ga duka ku kiheri kyemyeli gyiviri zana, yirana ku dada wewe, wa mu kolera kuli lilagana lilye lya ya laga: naye ya li na kikiri kumanya musatsa. Na gya li miima mu Israeli,