Litanga 20:2 - KITABU KITAKATIFU

² Na Abrahamu ya vola ku Sara mukali wewe, A veye mbotso wange: na Abimeleku mwami wa Gerari ya tuma avandu ni va vugula Sara.

Litanga 20:2 Iomraidhean Croise

Litanga 12:15

Avandu vanene va Farao va mu lola na va mwidzominya imbiri wa Farao: kunangwa mukali zana ya vugulwa na a vikwa mu inyumba ya Farao.

Litanga 20:12

Kandi ligali a veye mbotso wange, mwana wa dada wange, navutswa si a li mwana wa mama wange; naye ya gwa mukali wange:

Litanga 21:22

Kunangwa inyinga yeyo, Abimeleku na Fikolu nlunene welihe lilye va volerana na Abrahamu, ni va vola Nyasaye a veye halala na ive mu vyosi vya u kolanga:

Litanga 26:1

Kunangwa inzala ya li mu kivala, lugano ku inzala yokutanga mmadiku ga Abrahamu. Kandi Isaka ya tsia ku Abimeleku mwami wa Vafilisiti, kuduka Gerari.

Litanga 26:16

Kunangwa Abimeleku ya volera Isaka? U twule ku kwinye; kigira veye munene kuvita kwinye ligali.

Litanga 26:7

na vandu va ha zana va mu teva amakuva gomukali wewe; naye ya vola, Uyu a veye mbotso wange: kigira ya tia kuvola, A veye mukali wange, gase avandu va ha zana va la nziita kigira Rebeka; kigira ligondo lilye lya li lilahi.

2 Kyetsinyinga 19:2

Na Jehu mwana wa Hanani muloli ya tsia kumwaganira, na ya teva mwami Jeboshafatu, Ga ku dukira kukonya mudamano, nokuyanza ava dunyira nga Yahova? Kigira inkuva yiyi ubutima bu veye ku ive bu twula imbiri wa Yahova.

2 Kyetsinyinga 20:37

Hene yaho Eliezeru mwana wa Dodavahu Mu maresha ya profetera Jehoshafatu, na a mu volera, kigira ive wehambanyi ku Ahazia, Yahova wononyi miyinzi gyigyo. Namato yaga gononywa, si ga nyala kutsia Tarshishi.

2 Kyetsinyinga 32:31

Navutswa mu makuva yavatumwa vavanene va Babuloni va tuma kuye ku liteva lyekyokugenya kya kolwa mu kivala, Nyasaye ya mu leka, a geridzwe, a duke kumanya gosi ga veye mmwoyo gwigwe.

Tsing'ano 24:16

Kigira mulungi a gwidzanga hali katano na kaviri, na a vuka kandi; Navutswa lidiva li tung'aminya avadamano.

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Tsing'ano 6:29

Ni ndiyo a veye uyu wingiranga ku mukali womutende; Ku vosi u dira mukali uyu, si a la vula kukalagirwa.

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Vakolosai 3:9

mu ta veherana avene navene; kigira mu mali kufwuvula mundu wa kale halala nelikola lilye,