Litanga 13:9 - KITABU KITAKATIFU

⁹ Kivala yiki kyosi si ki veye imbiri wowo? Nku goonya, weyahule u ndeke; ive nu u tovola ku luvega lwomukono mmosi, inze nda tsia ku mukono mulungi; kinga nu u tovola mukono mulungi, inze nda tsia ku mukono mmosi.

Litanga 13:9 Iomraidhean Croise

Litanga 13:10

Kunangwa Loti ya ginga tsimoni tsitsye, na a henza kivala kyosi kya Yordani, kya li kikindu ligali tsimbega tsyosi kuli mulimi gwa Yahova, na kuli kivala kya Egepeti lwa u tsia Zoaru, Yahova ya li na a kikiri kudividza Sodoma na Gomora.

Litanga 13:8

Na Abram ya volera Loti, Nku goonyanga, li ta va ho lihing'ana hagati hange nive, na hagati ha avayi vange na vovo; kigira ku veye amwavo na amwavo.

Litanga 20:15

Na Abimeleku ya vola, Henza, kivala kyange ki veye imbiri wowo: u menye ha u yanza.

Litanga 34:10

Na mwinye mu la menya halala nekwinye: na kivala ki la va imbiri wenyu; mu menye nokukiranya yimu, na mwenyolira miyandu yimu.

Zaburi 120:7

Inze nyenya mirembe: Navutswa lwa mbola, yavo venyanga ubulwani.

Jeremia 40:4

Na kalunu, henza, mbohololanga ive lero minyororo gyi veye ku mukono gugwo. Nu u va nu u lola bu'ahi kutsia Babuloni halala ninze, hamba, na inze nda ku linda bulahi; navutswa nu u va nu u lola nobudamano kutsia Babuloni halala ninze, ma u leke: henza, kivala kyosi ki veye imbiri wowo; aha u lola ni ha veye halahi, na ha kuduka ive kutsia ho nobulahi u tsie ho.

Varumi 12:18

Ni ga nyalika, ku luvega lwenyu, mu ve nemirembe ku vandu vosi.

1 Vakorintho 6:7

Auwa, ga mali kugwa lyoneka ku mwinye, kigira mu veye neliyalana avene navene. Kigira si bu li bulahi kwikudzira ku ga veye madamano? Kandi si bu li bulahi kunuulwa?

Vahebraina 12:14

Navutswa mwenye kuva nemirembe ku vandu vosi, kandi mwenye ubutakatifu, mundu na a vula kuva nabwo, si a li lola Mwami mba: