Litanga 12:3 - KITABU KITAKATIFU

³ kandi nda gasidza yavo ava gasidza ive, na nda laama yavo ava laama ive: na aviko vosi velirova va la gasidzirwa mu ive.

Litanga 12:3 Iomraidhean Croise

Litanga 18:18

Kigira Abrahamu ligali a la duka kuva ihiri inene neyetsingulu, na tsihiri tsyosi tsyelirova tsi la gasidzirwa muye?

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Litanga 22:18

na tsihiri tsyosi tsi la gasidzirwa ku kisukululwi kikyo, kigira ive u huliye mwoyo gwange.

Litanga 24:35

Na Yahova u gasidzi mwami wange ligali, naye u duki kuva munene ligali: kandi u mu heye imitugu gyamagondi na tsing'ombe, na ifetha, na thahabu, na vatugwa vayai, na vatugwa vakana, na tsing'amia, na tsisukiri.

Litanga 25:11

Kunangwa inyima welikudza lya Abrahamu, Nyasaye ya gasidza Isaka mwana wewe: na Isaka ya menva ha Beerlahairoi.

Litanga 26:29

u ta ku kolera kidamano, kuli kwinye kwa vula kukudira, kandi kuli kwa vula kukukolera kindu, navutswa kuli kwa ku kolera bulahi, kandi kwa ku ha munwa kutsia nemirembe: na ive kalunu u veye wa Yahova a gasidzi.

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 27:29

Avandu va tumekire ive, Na tsihiri tsi ku sigamire: Ive u ve mwami ku avamwavo vovo: Kandi avana va mama wowo va ku sigamire: Ku vosi a laama ive, a laamwe, Noku vosi a gasidza ive, a gasidzwe.

Litanga 28:14

kandi kisukululwi kikyo ki la va kuli lugukyi lwelirova, na ive u la landa ku luvega lwemadioli, noku luvega lwevugwe, noku luvega lwekasikasini, noku luvega lwekusini: kandi avandu vosi velirova va la gasidzirwa mu ive nomu kisukululwi kikyo.

Litanga 30:27

Na Labani ya mu volera, Ni mba ni nyoye tsimbabasi imbiri wowo, u menye: kigira ndoli Yahova u ngasidzi kigira ive.

Litanga 30:30

Kigira gya li mikekeke gya wa li nagyo lwa nkikiri kuduka, nagyo gyi medeki kuva minyingi; na Yahova u ku gasidzi hosi ha nda tsia: na kalunu nda duka inyinga ki kulombera avenyumba yange?

Litanga 39:5

Kunangwa kutwula inyinga ya ya mu kola mulindi wenyumba yeye, kandi wevindu vyosi vya ya li navyo, Yahova ya gasidza inyumba ya Muegepeti kigira Yosefa; na ubugasu bwa Yahova bwa li ku vyosi vya ya li navyo, mu inyumba nomu mulimi.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Kutwula 23:22

Navutswa nu u hulira mwoyo gwigwe, noku kola gosi aga mbolanga; hene yaho nda va musigu wa avasigu vovo na musaliridzi wa yavo ava ku saiiridzanga.

Livalidza 24:9

Ya goneka, nokugona hasi kuli king'ang'a Kandi kuli king'ang'a kikali; ubwaha a la mu vukidza? A gasidzwe ku vosi u ku gasidzanga, Na uyu u ku laamanga a laamwe.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Matayo 25:45

Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera.

Luka 24:27

Kandi ya tanga kutwula ku Musa noku vaprofeti vosi, na a va vuulira mu mang'oda gosi vindu vya volwa kuye mwene.

Varumi 4:11

Kandi ya bugirira likevwa li ve kiloleru, nu muhuri gwobulungi bwelisuuvira lya ya li nalyo na a kikiri kukevwa: a duke kuva ise wa vosi ava suuvira, ni va vula kukevwa, va duke kuvalidzwa va ve nobulungi.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

Vagalatia 3:16

Kalunu lisuuviridzwa lya volwa ku Abrahamu nekisukululwi kikye. Si a voye, Visukululwi kuli vi veye vinyingi; navutswa kuli ki veye kilala, Nekisukululwi kikyo, nakyo ni Kristo.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.

Vagalatia 3:8

Kandi ma ng'oda ga tanga kulola Nyasaye a la vola ku ve Tsihiri ubulungi kigira lisuuvira, ga tanga kwilwadzira Abrahamu ivangeli, ni ga vola, Tsihiri tsyosi tsi la gasidzirwa ku ive.

Vafeso 1:3

Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

Vakolosai 3:11

ha la vula kuva ho Mugreki, no Muyuda, kinga likevwa, nelivula kukevwa, kinga u ta manya miima, kinga Musikuthi, kinga mutugwa, kinga muboholole; navutswa Kristo a veye vyosi, kandi a veye mu vyosi.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;