Litanga 12:2 - KITABU KITAKATIFU

² na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 12:2 Iomraidhean Croise

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 15:5

Na ya mu hila kyova, na a mbolera Henza kalunu migulu, u validze tsing'ereng'ani, nu u va nu nyala kutsivalidza: na ya mbolera, Lwivulu lulwo lu la va ndi.

Litanga 17:20

Na ku Ishmaeli nku huliye: henza, mmu gasidzi, na nda mu kola kuva nolwaalo lunyingi, kandi nda mu meda ligali; a livula avami likumi na vaviri, na nda mu kola kuva ihiri inene.

Litanga 18:18

Kigira Abrahamu ligali a la duka kuva ihiri inene neyetsingulu, na tsihiri tsyosi tsyelirova tsi la gasidzirwa muye?

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Litanga 19:29

Na ga duka, lwa Nyasaye ya dividza madala gekivala kya Kereremu, yidzulitsa Abrahamu, na a twulidza Loti hagati helidividzwa, lwa ya dividza amadala ga Loti ya menya mu.

Litanga 24:1

Kunangwa Abrahamu ya li musakulu, nowemihiga minyingi: kandi Yahova ya mu gasidza mu vindu vyosi.

Litanga 24:35

Na Yahova u gasidzi mwami wange ligali, naye u duki kuva munene ligali: kandi u mu heye imitugu gyamagondi na tsing'ombe, na ifetha, na thahabu, na vatugwa vayai, na vatugwa vakana, na tsing'amia, na tsisukiri.

Litanga 25:11

Kunangwa inyima welikudza lya Abrahamu, Nyasaye ya gasidza Isaka mwana wewe: na Isaka ya menva ha Beerlahairoi.

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 27:29

Avandu va tumekire ive, Na tsihiri tsi ku sigamire: Ive u ve mwami ku avamwavo vovo: Kandi avana va mama wowo va ku sigamire: Ku vosi a laama ive, a laamwe, Noku vosi a gasidza ive, a gasidzwe.

Litanga 28:14

kandi kisukululwi kikyo ki la va kuli lugukyi lwelirova, na ive u la landa ku luvega lwemadioli, noku luvega lwevugwe, noku luvega lwekasikasini, noku luvega lwekusini: kandi avandu vosi velirova va la gasidzirwa mu ive nomu kisukululwi kikyo.

Litanga 35:11

Na Nyasaye ya mu volera, Inze mbeye Nyasaye Wanyala Vyosi: u ve nolwivulu lunyingi, nokumedeka; ihiri nobunyingi bwetsihiri tsi la twula ku ive, kandi avami va la twula ku inda yoyo;

Litanga 46:3

Naye ya vola, Inze mbeye Nyasaye, Nyasaye wa dada wowo: u ta tia kusulunguta Egepeti mba; kigira yeyo nda ku kola kuva ihiri inene:

2 Samweli 7:9

na nda li halala nive hosi ha wa tsia, na nda kalaga avasigu vovo va twule imbiri wowo; na nda ku lombera lieta linene, kuli lieta lya vanene va veye mu lirova.

1 Avami 1:47

Na kandi avatumekiri vomwami vadza va duke kugasidza munene wetu mwami Daudi, ni va vola, Nyasaye wowo a kole lieta lya Solomoni li ve linene kuvita lieta lilyo, kandi a kole intebe yobwami yeye i ve inene kuvita yoyo: na mwami yinama ku kitali kikye.

Ayubu 35:8

Ubudamano bubwo namusia bu saleridzanga mundu kuli ive Nobulungi bubwo namusia bu konyanga mwana womundu.

Zaburi 107:38

A va gasidza kandi kuduka va medeka ligali; Kandi si a leka mitugu gyavo ku gehidzwa.

Kutwula 1:7

Na avana va Israeli va li nolwivulu ligali, ni va medeka munonono, nokuduka kuva vanyingi ligali, nokunyola tsingulu tsinyingi ligali; navo vizula kivala.

Kutwula 32:10

kalunu u ndeke ubutima bwange bwaake ligali kuvo, na mba dividze: ma nda kola ive kuva ihiri inene.

Isaya 51:2

Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

Ezekieli 34:26

Na nda va kola, halala na hosi ha kumbiridza kigulu kyange kuva ubugasu; nda leta ulunyirira ku inyinga yalwo; lu la va ho tsinyirira tsyobugasu.

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Livalidza 14:12

Nda va kuya neplegi, nokuvatwulidza ku miyandu, na nda kola ive kuva ihiri inene ne yetsingulu kuvita yavo.

Livalidza 22:12

Na Nyasaye ya volera Balaam, U ta tsia halala navo, u ta laama avandu yava; kigira va gasidzeywi.

Livalidza 23:20

Henza, mbebeywi lilaga ngasidze: Na uyu u gasidzi, na inze si nyala kwiranya.

Varumi 4:11

Kandi ya bugirira likevwa li ve kiloleru, nu muhuri gwobulungi bwelisuuvira lya ya li nalyo na a kikiri kukevwa: a duke kuva ise wa vosi ava suuvira, ni va vula kukevwa, va duke kuvalidzwa va ve nobulungi.

Vagalatia 3:14

ubugasu bwa Abrahamu mu Yesu Kristo bu duke ku ve Tsihiri; ku duke kunyola lisuuviridzwa lya Roho kigira lisuuvira.

Vagalatia 3:7

Kunangwa mu manye, yavo ava veye nelisuuvira yava nivo avana va Abrahamu.

Kwidzulitsa 26:5

Na ive u twule u vole imbiri wa Yahova Nyasaye wowo, Dada wange ya li Musiria, wa li himbi kugota, yiika Egepeti, na a menya yo, na a veye avandu vakekeke ku livalidzwa; ya gwa ihiri inene, neyetsingulu, navandu vanyingi.