Kwidzulitsa 9:3 - KITABU KITAKATIFU

³ Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Kwidzulitsa 9:3 Iomraidhean Croise

Kutwula 23:23

Kigira ingelosi wange a lemira imbiri wowo, nokukuhila wingire ku Avaamori, na Vahiti, na Vaperizi, na Avakanani, na Vahivi, na Vajebusi: kandi nda va dividza.

Kutwula 24:17

Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Isaya 27:4

Ubutima bululu si bu veye mu inze: nkano lutavati na mafwa vya li ku inze mubulwani nkano nda ka salama kuvo, nokuvasambahalala.

Isaya 30:27

Henza, lieta lya Yahova li twula ihale, li sambanga nobutima bwibwe, nomu mwoki munene gu vuyanga igulu: minwa gyigye gyizuye ubutima, nolulimi lwilwe lu veye kuli muliru gu sambanga:

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Mika 2:13

Wononnya wanegiye imbiri wavo: va sambuye ni va viti ha kiribwa, na va twuli ha kiribwa; mwami wavo wimiye imbiri wavo, na Yahova wimiye kuva mu mutwe gwavo. Na nda vola, Mwadza, mu hulire.

Matayo 15:10

Naye ya langa kiduma na a va volera, Mu hulire na mmanye:

Marko 7:14

Ya langa kiduma kandi, na a va volera, Mu mbulire vosi, mu manye:

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Vafeso 5:17

Kigira yaga mu ta va avasiru, navutswa mu manye ubulaliri bwo Mwami.

Kwidzulitsa 1:30

Yahova Nyasaye wenyu wimiranga imbiri wenyu, a la mu lwanira kuli vyosi vya ya mu kolera mu Egepeti imbiri wetsimoni tsyenyu

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Kwidzulitsa 20:4

kigira Yahova Nyasaye wenyu niye wimiriranga, kutsia kumulwanira ku vasigu venyu, a duke kumuhonnya.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Kwidzulitsa 7:16

Na u la dividza tsihiri tsyosi tsya Yahova Nyasaye wowo a ku ha; imoni yoyo i ta va vererera: kinga u ta tumekira vanyasaye vavo: kigira i la va mutego ku ive inkuva yiyi.

Kwidzulitsa 7:22

Na Yahova Nyasaye wowo a la ta tsihiri yitsyo imbiri wowo si hake si hake: si ga ku duhira kuvadividza inyinga indala, gase tsinyama tsyomigendenyama tsi la va tsinyingi ku ive.

Kwidzulitsa 9:6

Kunangwa u manye, Yahova Nyasaye wowo si ya ku ha kivala kilahi yiki kuva miyandu gyigyo kigira butakatifu bubwo; kigira u veye ihiri yomwoyo mudinyu.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 12:29

kigira Nyasaye wetu a veye muliru gu sambanga.

Joshua 11:12

Na madala gosi ga avami yavo, halala na avami vago vosi, Joshua ya va vugula, na ya va kuya nobwogi bwekivavi, nokuvadividza ligali; kuli Musa mutumekiri wa Yahova ya mu laga.

Joshua 11:8

Na Yahova ya va vika mmukono gwa Israeli, na va va kuya, ni va va kunga kuduka Sidone linene, kuduka Misirefothumaim, nokuduka mwivona lya Mizipa ku luvega lwevugwi; na va va kuya, kuduka va vula kuleka mundu kali mulala kutigala.

Joshua 14:12

Kunangwa kalunu u mbe kivala kyekigulu, kya Yahova ya vola kukyo ku lidiku yilyo; kigira ive wa hulira lidiku yilyo kuli Vaanaki va veyo, na madala manene na getsingaga: namusia Yahova a la va halala na inze, na nda va kunga va twule, kuli Yahova ya vola.

Joshua 3:11

Henza, lisanduku lyelilagana lya Yahova welirova lyosi lyambukanga imbiri wenyu nokwingira Yordani.

Joshua 3:14

Na ga duka, lwa vandu yavo va twula mmahema gavo, va duke kwambuka Yordani, avasalisi ava ginga lisanduku lyelilagana va li imbiri wavandu;

Vakalagi 4:14

Na Debora ya volera Baraka, Vuka; kigira ku lidiku yili Yahova u viki Sisera mmukono a gugwo: Yahova si ya tsia imbiri wowo? Kunangwa Baraka ya sulunguta kutwula mu kigulu kya Taboru, navandu tsielfu likumi va mu londa.