Kwidzulitsa 9:1 - KITABU KITAKATIFU

¹ Hulira, O Israeli: lero ndi u lambuka Yordani, na wingire kugumira tsihiri tsinene netsyetsingulu kuvita ive, madala manene agombakwa amadigi kuduka migulu,

Kwidzulitsa 9:1 Iomraidhean Croise

Litanga 11:4

Kandi va volerana avene na avene, Gendi, kweyombakire avene lidala, na munara, gwobutambi bwagwo bu duka ku ligulu, nokwelombera lieta; gase ku la salanywa ku lirova lyosi.

Kutwula 32:1

Kunangwa avandu lwa va lola Musa u lindagiye kutwula mu kigulu, avandu vevugannya avene ku Haruni, ni va mu volera, Vuka, u ku lombere vanyasaye, ava kwimirira; kigira ku makuva ga Musa uyu, mundu wa ku leta kutwula mu kivala kya Egepeti, si ku manya kya mu gwira.

Danyeli 4:11

Musala zana gwa viruka ni gu va netsingulu na ubutambi bwagwo bwa duka mi gulu, na liloleka lyagwo lya duka ku kiheri kyelirova.

Amosi 2:9

Navutswa ndononnya Vaamori imbiri wavo, avobutambi bwavo bu veye kuli bwomusala gwo mutaragwa, na ya li netsingulu kuli musala mudinyu, kuli muduguyu; navutswa ndononnya makuyu gavo igulu, nevitinya vyavo hasi.

Livalidza 13:22

Na vanegira ku luvega lwa Kusini, nokuduka Hebironi; na Ahiman, na Sheshai, na Talmai, avana va Anaki va li yo. (Hebironi lyombakwa mihiga gyitano na gyiviri imbiri wa Zoan mu Egepeti.)

Livalidza 33:51

U volere avana va Israeli, nokuvavolera, Lwa mwambuka Yordani nokwingira kivala kya Kanani,

Kwidzulitsa 1:28

Kwanegira kutsia haliha? Avamitu vetu va salulukidzi myoyo gyetu, ni va vola, Avandu yavo va veye avanyingi navatambi kuvita kwinye; namadala ga veye manene, kandi ga veye namadigi kuduka migulu; na kandi kwa lola avana va Anaki va veye ho.

Kwidzulitsa 11:23

hene yaho Yahova a la kunga tsihiri yitsi tsyosi imbiri wenyu, na mwinye mu la gumira tsihiri tsinene netsyetsingulu kuvita mwinye.

Kwidzulitsa 11:31

Kigira mwinye mu lambuka Yordani mwingire kugumira kivala kya Yahova Nyasaye wenyu a mu ha, na mu la ki gumira, nokumenya mu.

Kwidzulitsa 27:2

Na ga la va ku lidiku lya mu lyambuka Yordani kutsia mu kivala kya Yahova Nyasaye wowo a ku ha, u la simika amagina manene, nokugabuula nobudohi:

Kwidzulitsa 3:18

Kandi nda mu laga inyinga yeyo, ni mu volera, Yahova Nyasaye wenyu u mu heye kivala yiki mu ki gumire: mwambuke ni mwiviki vyuma vyelihe imbiri wa vamwavo venyu avana va Israeli, mwosi ava mu veye netsingulu.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:38

nokukunga tsihiri imbiri wowo tsinene netsyetsingulu kuvita ive, kukwingiridza, kukuha kivala kyavo ki ve miyandu, kuli u veye lidiku yili lya lero.

Kwidzulitsa 6:10

Na ga la va, lwa Yahova Nyasaye wowo a ku leta mu kivala kya yisuhira avaguga vovo, Abrahamu, na Isaka, na Yakobo, kukuha madala manene namalahi, ga wa vula kwombaka,

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Joshua 1:11

Mu vite hagati hokusosa, mu lage avandu mu vole, Mu tegekidze vyokuiia; kigira ku madiku gavaka mu lambuka mugera yigu gwa Yordani, mu duke kwingira ku gumira kivala kya Yahova Nyasaye wenyu a mu hedzanga, mu duke kukigumira.

Joshua 1:15

kuduka lwa Yahova a ha avamwavo venyu uhwelemeridzi, kuli mwinye, navo kandi va nyoye kugumira kivala kya Yahova Nyasaye wenyu a va ha: ma mu lirana mu kivala kyemiyandu gyenyu, mu duke kukigumira, kya Musa mutumekiri wa Yahova ya mu ha engereka ya Yordani ku luvega lwelitwulira lyeliuva.

Joshua 14:12

Kunangwa kalunu u mbe kivala kyekigulu, kya Yahova ya vola kukyo ku lidiku yilyo; kigira ive wa hulira lidiku yilyo kuli Vaanaki va veyo, na madala manene na getsingaga: namusia Yahova a la va halala na inze, na nda va kunga va twule, kuli Yahova ya vola.

Joshua 3:14

Na ga duka, lwa vandu yavo va twula mmahema gavo, va duke kwambuka Yordani, avasalisi ava ginga lisanduku lyelilagana va li imbiri wavandu;

Joshua 3:16

hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.

Joshua 3:6

Kandi Joshua ya volera vasalisi, nokuvola, Mu gingi lisanduku lyelilagana, mu tange kwambuka. Navo va ginga lisanduku lyelilagana, na vimirira avandu.

Joshua 4:19

Na avandu yavo vosi vanegira kutwula mu Yordani ku lidiku li kola likumi lyomweli gwokutanga, na vombaka mahema gavo mu Gilgali, ha luvega lwevugwe wa Yeriko.

Joshua 4:5

na Joshua ya va volera, Mu vite mwimiri imbiri welisanduku lya Yahova Nyasaye wenyu, mu tsie hagati ha Yordani, mu vugule sa mulala ku mwinye ligina lilala kwivega lilye, kuli livalidzwa lyetsihiri tsyavana va Israeli;