Kwidzulitsa 7:8 - KITABU KITAKATIFU

⁸ navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Kwidzulitsa 7:8 Iomraidhean Croise

Litanga 19:16

Navutswa ya lindagira; na avandu yavo va mu gumira mukono, nomukono gwomukali wewe, nomukono gwavakana veve vaviri; Yahova a mu vera tsimbabasi: na va mu twulidza, nokumuvika kyova welidala.

Litanga 19:29

Na ga duka, lwa Nyasaye ya dividza madala gekivala kya Kereremu, yidzulitsa Abrahamu, na a twulidza Loti hagati helidividzwa, lwa ya dividza amadala ga Loti ya menya mu.

2 Samweli 22:20

Na ya ntwulidza, ni ya mbika hobwiyangu Ya mbonnya, kigira ya nyanza.

1 Avami 10:9

A gasidzwe Yahova Nyasaye wowo, wa ku yanza, na ya ku vika ku intebe yobwami ya Israeli: kigira Yahova ya yanza Israeli kazozo, kigira yaga ya kola ive u ve mwami, kukola likalaga nobulungi.

1 Kyetsinyinga 16:16

Lilagana lya ya lomba na Abra hamu, Lisuha lya yisuhira Isaka,

2 Kyetsinyinga 9:8

A gasi dzwe Yahova Nyasaye wowo, wa yanza ive kuvika ive ku intebe yeye yobwami, u ve mwami kigira Yahova Nyasaye wowo: kigira Nyasaye wowo ya yanza Israeli, kuvavika mihiga nemihiga, kigira yaga ya kola ive kuva mwami kuvo, kukola likalaga nobulungi.

Zaburi 105:42

Kigira yidzulitsa likuva lilye litakatifu Na Abrahamu mutumekiri wewe.

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Zaburi 44:4

O Nyasaye, ive u veye Mwami wange: U lage ubuhonnyi ku Yakobo.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Isaya 43:4

Kigira ive u veye wobuguli budinyu mbiri wetsimoni tsyange, no welidzominywa, na nku yanzi; kunangwa kigira yaga nda haana avandu mu bugono bubwo, netsihiri nda haana mu bugono bwelivamwoyo lilyo.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 31:3

Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Ezekieli 36:22

Kigira yaga u volere inyumba ya Israeli, Mwami Nyasaye a vola ndi: Inze si nkoli inkuva yiyi kigira ive, inyumba ya Israeli, navutswa nkoli kigira lieta lyange litakatifu, lya mwononnyira hagati hetsihiri tsya mwa tsia ku.

Mika 6:4

Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu.

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Malaki 1:2

Inze nyanza mwinye, Yahova a vola. Navutswa mu vola, U ku yanzira kuliha? Esau si ya li amwavo Yakobo? Yahova a vola: navutswa nda yanza Yakobo;

Matayo 11:26

yee, Dada, kigira ndiyo ga yanzeka ku ive.

Luka 1:55

(Kuli ya volera vaguga vetu) Ku Abrahamu noku visukululwi vivye mihiga nemihiga.

Varumi 11:28

Ku ivangeli va veye avasigu kigira mwinye: navutswa ku litovola va veye avayanze kigira vaguga.

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 10:15

Navutswa Yahova ya li nobuyanzi ku vaguga vovo kuvayanza, na a tovola kisukululwi kyavo inyima wavo, nakyo ki veye mwinye, ku tsihiri tsyosi, kuli ga veye lero.

Kwidzulitsa 23:6

U vule kwenya mirembe gyavo kinga ubugasu bwavo amadiku gogo kazozo.

Kwidzulitsa 33:3

Ligali a yanza tsihiri tsyavandu; Avatakatifu veve vosi va veye mmukono gugwo; Navo vikala ha virenge vivyo; Sa mulala va la vugula amakuva gogo.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

1 Yohana 4:19

Kwinye ku yanza kigira ya tanga kukuyanza.

1 Samweli 12:22

Kigira Yahova si a la leka avandu veye kigira lieta lilye linene, kigira ya yanzidza Yahova kukola mwinye mu ve avandu veve mwene.