navutswa Yahova, wa mu twulidza mu kivala kya Egepeti netsingulu tsinene, nomukono gwa nyirwa, uyu niye wa mu tia, na mu la sigamira imhiri wewe, nokumuhaanira visyuviriru:
Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.
Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.
Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:
Yahova, Nyasaye wa Israeli, a vola ndi: Inze nda kola lilagana navaguga venyu mu lidiku lya nda va twulidza mu kivala kya Egepeti, kutwula mu inyumba yobutugwa, ni mbola,
Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.
na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:
Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.
Mu henze bulahi gase mundu ku vosi a la mu lanyera ku ubugeeri bwomkivala nobugadi bwa vutswa, ku tsing'ano tsyavandu noku megidzo golugano lwelirova, ga ta li ku lugano lwa Kristo.
ni va leka Yahova, Nyasaye wa vaguga vavo, wa va leta kutwula mkivala kya Egepeti, na va londa vanyasaye vandi, ku vanyasaye vavandu ava va kumbiridza, na vinamira vanyasaye yavo: na va vihiriridza Yahova kuduka na a vihirirwa.