Kwidzulitsa 4:9 - KITABU KITAKATIFU

⁹ Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 4:9 Iomraidhean Croise

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Zaburi 119:11

Mbiki makuva gogo mu mwoyo gwange, Mbule kukukolera ubwoni.

Zaburi 71:18

Yee, kali lwa mbeye musakulu nowetsimbudze, u ta ndeka, O Nyasaye, Nduhe mbole tsingulu tsitsyo ku kisukululwi yiki, Na ubunyali bubwo ku vosi avadzanga.

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 23:13

kandi mu vyosi vya mmu voleye mu hulire: na mu ta tala lieta lya vanyasaye avandi, kandi li ta hulirwa mu munwa gwugwo.

Tsing'ano 1:8

Mwana wange, u tegidze ugutu ku lyegidza lya dada wowo Na u ta leka lilaga lya mama wowo:

Tsing'ano 23:26

Mwana wange, mpe mwoyo gugwo; Na tsimoni tsitsye tsi sangale mu tsinzira tsyange.

Tsing'ano 3:21

Mwana wange, u ta leka yaga ga twule imbiri wetsimoni tsitsyo; U gumire ubugeeri budukiru na limanya:

Tsing'ano 7:1

Mwana wange, u gumire makuva gange, Na u vike amalago gang halala na ive.

Isaya 38:19

Welivamwoyo, welivamwoyo a la kwidzominya, kuli nkolanga lero: Avadada va legidza avana geligali gogo.

Isaya 42:20

Ive u lola vindu vinyingi, navutswa si u vi vikanga ku mwoyo mba; amatu gege galami, navutswa si a huliranga.

Jeremia 17:21

Yahova a vola Mu gelihe avene, mu ta ginga misigo kali mulala ku lidiku lyelisabato kandi mu ta gyi leta kwingira mu kiribwa kya Yerusalemi;

Luka 8:18

Kigira yaga mwilinde kuli mu hulira: kigira u veve nakyo, a la hebwa; no ta veye nakyo, a la nyagwa kya a ganagana a veye nakyo.

Vafeso 6:4

Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami.

Kwidzulitsa 11:19

Na mu legidza avana venyu makuva, ku ga vola, lwa wikalanga mu inyumba yoyo, na lwa u gendanga ku inzira, na lwa u gonanga, na lwa u vukanga.

Kwidzulitsa 12:1

Yigyi ni miima na makalzgo ga mu la linda kugakola mu kivala kya Yahova, Nyasaye wavaguga vovo, a ku ha kukigumira, madiku gosi ga mu va mwoyo ku lirova.

Kwidzulitsa 16:3

U ta lia mamera halala na lipasaka; madiku gatano na gaviri u lagire ubukima bu ta li na mamera; nabwo bu veye ubukima bwobusaliri; kigira wa twula Egepeti nelididikana, u duke kwidzulilsa lidiku yili lya wa twula Egepeti, madiku gosi ga u veye mwoyo.

Kwidzulitsa 17:19

a ve nakyo, a some mukyo madiku gosi aga a veye mwoyo; a duke kweyegidza kutia Yahova Nyasaye wewe, a gumire makuva gosi gelilaga yili na miima yigyi, kugyikola

Kwidzulitsa 29:29

Vya viswa ni vya Yahova Nyasaye wetu, navutswa vya lang'aminywa ni vyetu ni vya avana vetu mihiga nemihiga, ku duke kukola amakuva gosi gelilaga yili.

Kwidzulitsa 31:19

Kunangwa kalunu mweng'odere ulwimbu yilu ive wegidze avana va Israeli: u va vikire mminwa gyavo, lwimbu yilu lu duke kuva umulolekidzi wange ku avana va Israeli.

Kwidzulitsa 32:46

na a va volera, mu vike mu myoyo gyenyu amakuva yaga gosi aga ndolekidzanga ku mwinye lero, na mu lage ku avana venyu va linde, nokukola amakuva gosi gelilaga yili.

Kwidzulitsa 4:10

ku lidiku lya wa singira imbiri wa Yahova Nyasaye wowo ha Horebu, inyinga Yahova ya mbolera, U vungidzire avandu, na nda leta kuvo makuva gange va ga hulire, va duke kweyegidza kutia inze madiku gosi gelimenya yavo ku lirova, kandi va duke kwegidza avana vavo.

Kwidzulitsa 4:15

Kunangwa mwelinde ligali; kigira si mwa lola lifwana lidiku lya Yahova y a volera mwinye ha Horebu nomiroyo gwa twula hagati ho muliru;

Kwidzulitsa 4:23

Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Kwidzulitsa 6:20

Lwa mwana wowo a li ku teva inyinga idzanga, na a vola, Lilolekidza, namalago, nemiima, namakalago ga Yahova Nyasaye wetu ya laga, ga veye ki?

Kwidzulitsa 6:7

na u legidza avana vovo kugo nobugulu, mu la volerana kugo lwa wikala mu inyumba yoyo, na lwa u gendanga ku inzira, na lwa u gonanga, na lwa u vukanga.

Kwidzulitsa 8:11

Welinde gase u livirira Yahova Nyasaye wowo, ku livula kugumira malago gege, nelikalaga lilye, ne miima gyigye gya nku laganga lero:

Kwidzulitsa 8:14

hene yaho mwoyo gugwo gu liginga, na u livirira Yahova Nyasaye wowo, wa ku twulidza mkivala kya Egepeti, mu inyumba yobutugwa;

Vahebraina 2:1

Kigira yaga ga ku dukira ku huliridze ligali kuvita amakuva aga hulirwa, gase ku la ga ng'aala.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Yakobo 2:22

Ive u lola lisuuvira lya ya kola halala nelikola lilye, noku likola zana lisuuvira lya kolwa lidukiru;

Joshua 1:18

Ku vosi mundu u tinguha likuva lyomunwa gugwo, na a vula kuhulira makuva gogo ku yaga gosi aga u mu laga, uyu a liitwa: u ve mugulu nomuluviriri yaga geng'ine.

Joshua 23:11

Kunangwa mwelinde bulahi avene, mu duke kuyanza Yahova Nyasaye wenyu.

Joshua 4:21

Naye ya volera avana va Israeli, na a vola, Lwa avana venyu va li teva vadada vavo mu madiku gadzanga, ni va vola, Kivune kyamagina yaga ki veye ki?

Likunula 3:3

Kunangwa widzulitse kuli wa vugula, kandi kuli wa hulira; u linde, nokweganira. Kunangwa niva nu u vula kulinda, ndadza kuli mwivi, na ive u la vula kumanya isaa ya ndidza ku ive.

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.

Vakalagi 8:34

Avana va Israeli va vula kwidzulitsa Yahova Nyasaye wavo, wa va honnya ku makono gavasigu vavo vosi tsimbega tsyosi;