Kwidzulitsa 4:2 - KITABU KITAKATIFU

² Ku makuva ga mmu laganga mu vule kumeda ku, kinga kugehidza ku, mu duke kugumira malago ga Yahova Nyasaye wenyu aga inze nda mu laga.

Kwidzulitsa 4:2 Iomraidhean Croise

Zaburi 78:7

Va duke kuvika lisuuvira lyavo ku Nyasaye Na va vule kwivirira vikolwa vya Nyasaye, Navutswa va gumire amalago gege,

Tsing'ano 30:6

U ta meda ku makuva gege, Gase a la ku gondokera, na u la loleka kuva mbehi.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Jeremia 26:2

Yahova a vola: Singira mu mgidzi gwenyumba ya Yahova, na u volere amadala gosi ga Yuda, aga yavo avadza kusigamira mu inyumba ya Yahova, u va volere makuva yaga gosi aga nkulaganga; u tigalira likuva kali lilala.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Matayo 5:43

Mwa hulira, ga volwa, U yanze mtende wowo, navutswa musigu wowo u mdunyire:

Vagalatia 3:15

Avamitu, mbola kuli avandu: Kali ga veye amalagano gavandu ni ga mali kusingeridzwa si ha veye nogononnya, kinga kugameda kindu.

Kwidzulitsa 1:3

Ga duka ku muhiga gwa kola makumi gane, mweli gwelikumi na mulala, lidiku lyokutanga mweli, Musa ya volera avana va Israeli, kuli gosi ga Yahova ya mu ha gokuvalaga;

Kwidzulitsa 12:32

Ku gosi ga mmu laga, mu henze ku nokugakola: u ta meda ku, kinga u ta gehidza ku.

Kwidzulitsa 13:1

Na a va na a duka hagati hoho muprofeti, kinga muloti wamaloto, na a ku vulira kilolekidzu, kinga kyokugennya,

Kwidzulitsa 33:4

Musa ya ku laga lilaga, Li veye miyandu gyelivugana lya Yakobo.

Kwidzulitsa 4:14

Na Yahova ya ndaga inyinga yeyo nzegidze mwinye amalago nelikalaga, mu duke kugakola mu kivala ha mwambukanga yo kukigumira.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 4:5

Henza, nda mwegidza amalago nelikalaga, kuli Yahova Nyasaye wange ya ndaga, mu ga kole hagati hekivala kya mwingira mu, kuva miyandu.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

Joshua 1:7

U ve mugulu nomuluviriri ligali, u duke kulinda kukola kuli lilsga yili lyosi, lya Musa mutumekiri wange ya ku laga: u ta girunkana kulileka, u tsie ku luvega lwomukono mulungi kinga lwomukono mmosi mba, u duke kugasidzwa ha u tsitsanga hosi.

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.