Kwidzulitsa 4:12 - KITABU KITAKATIFU

¹² Na Yahova ya volera mwinye nomuoyo gwa twula hagati ho muliru: mwa hulira mwoyo gwa makuva, navutswa si mwa lola lifwana: mua hulira mwoyo gweng'ine.

Kwidzulitsa 4:12 Iomraidhean Croise

Kutwula 19:9

Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 20:22

Kandi Yahova ya volera Musa, U volere avana va Israeli likuva yili, Mwinye avene mu loli kuli inze mbolerani nemwinye kutwula migulu.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 40:18

Kunangwa Nyasaye uyu mu la mu leng'annya na bwaha? Kinga mu la mu fwanannya nolugano ki?

Isaya 40:3

Mwoyo gwomulala u hanzuka, na a vola, Mu lombe migendanyama inzira ya Yahova; mu lungekidze mu kyangalangwi lihasi lya Nyasaye wetu.

Isaya 40:6

Mwoyo gwomulala u volanga, Hanzuka. Kandi wundi ya teva, Mbanzukira ki? U vole, Vyemibiri vyosi vi veye bunyasi, nobulahi bwavyo bwosi bu veye kuli vimuli vyommulimi.

Livalidza 12:8

na inze nda volerana naye munwa na munwa, kali havulavu, si ga veye ku livola lya hamwamu; naye a la lola lifwana lya Yahova: kunangwa kigira ki si mwa tia kuvola limonya ku mutumekiri wange, Musa?

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Matayo 3:3

Kigira uyu niye wa Isaya mprofeti ya vola kuye na a vola Mwoyo gwomulala a hanzukanga mwigendanyama, Mu lombe inzira yo Mwami, Mu lungikidze mihanda gyigye.

Kwidzulitsa 10:4

Naye ya ng'oda ku vibao, kuli amang'oda gokutanga, amalago likumi, ga Yahova ya mbolera mkigulu nomuoyo gwa twula hagati homuliru, ku lidiku lyelivugana: na Yahova ya mba.

Kwidzulitsa 4:11

Na mwinye mwisunda himbi ni mu singira isi wekigulu; nekigulu kyaaka muliru ku hagati ho migulu, nekisundi, namalesi, nekisundi kinene

Kwidzulitsa 4:13

Na ya mu gambira malago gege, aga ya mu laga mu ga kole, nago ga veye amalago likumi; na ya ga ng'oda ku vibao viviri vya magina.

Kwidzulitsa 4:15

Kunangwa mwelinde ligali; kigira si mwa lola lifwana lidiku lya Yahova y a volera mwinye ha Horebu nomiroyo gwa twula hagati ho muliru;

Kwidzulitsa 4:33

Madiku gosi ha ve ho navandu ava hulira mwoyo gwa Nyasaye a volanga hagati homuliru, kuli ive wa hulira, nokuvula kukudza?

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

Kwidzulitsa 5:22

Makuva yaga Yahova ya volera livugana lyenyu lyosi mu kigulu, nomwoyo munene kutwula hagati ho muliru, nelilesi, nekisundi kinene: na si ya meda ku mba. Naye ya ga ng'oda ku vibao viviri vya magina, na ya mpa.

Kwidzulitsa 5:4

Yahova ya volerana na mwinye moni namoni ha kigulu nomwoyo gwa twula hagati ho muliru

Kwidzulitsa 9:10

Na Yahova ya mpa vibao viviri vyamagina vya ng'o dwa nekidete kya Nyasaye; na kuvyo ga ng'odwa kuli makuva gosi ga Yahova ya volerana nemwinye mu kigulu kutwula hagati ho muliru ku lidiku lyelivugana.

Vakolosai 1:15

Naye a veye ligondo lya Nyasaye u ta lolekanga, watanga-kwivulwa ku vilombe vyosi;

Vahebraina 12:19

noku mwoyo gwekisiliva, noku mwoyo gwamakuva ogwa yava va hulira va goonya likuva lindi li ta volwa kuvo;