Kwidzulitsa 4:1 - KITABU KITAKATIFU

¹ Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:1 Iomraidhean Croise

Zaburi 105:45

Va duke kugumira amalago gege, Nokulonda lilagana lilye. Mwidzominye Yahova.

Zaburi 119:4

Ive u ku lagi megidzo gogo, Ku duke kugagumira netsingulu.

Kutwula 18:20

na u la vegidza megidzo na amalago ga Nyasaye, na ive u la va mannya inzira ya va li genda ku, na miyinzi gya va li kola.

Jeremia 11:6

Na Yahova ya mbolera, Wilwadze amakuva yaga gosi mu madala ga Yuda, nomu tsinzira tsya Yerusalemi, kuvola, Mu hulire makuva gelilagana yili kugakola.

Ezekieli 11:20

va duke kugenda mu malago gange, nokugumira miima gyange nokugyikola: na va la va avandu vange, na inze nda va Nyasaye wavo

Ezekieli 20:11

Nda va ha malago gange, nokuvamannya miima gyange, gya mundu a va na a kola a la hindira mugyo.

Ezekieli 20:21

Navutswa avana vebaala ku inze; si va genda mu malago gange mba, kandi si va gumira miima gyange nokugyikola, agomu ndu a va na a kola a la hindira mugo; vononnya masabato gange. Hene yaho nda vola, nda tsuka ubutima bwa nge kuvo, nduke kudukidza ubutima bwange kuvo mukyangalangwi.

Ezekieli 36:27

Na nda vika Roho wange mu mwinye, na nda mu gendidza mu amalago gange, na mu la gumira miima gyange nokugyikola.

Ezekieli 37:24

Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.

Kyavalevi 18:5

Kunangwa mu la gumira malago gange, na miima gyange; agomundu u tumekira, a la va mwoyo kugo: inze mbeye Yahova.

Kyavalevi 19:19

Mu la gumira malago gange. U ta leka mitugu kwivulana netsinyama tsyolugano nolugano: U ta midza mu mulimi gugwo bugutsa ku tsing'ano tsiviri: kandi u tivika ingubo yetsing'ano tsiviri tsyatsukanywa halala.

Kyavalevi 19:37

Na mwinye mu la gumira amalago gange gosi, na miima gyange gyosi, nokugyikola: inze mbeye Yahova.

Kyavalevi 20:8

Na mu gumire amalago gange nokugakola: inze mbeye Yahova u mu takasanga.

Kyavalevi 22:31

Kunangwa mu la gumira malago gange kugakola: inze mbeye Yahova.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Yohana 15:14

Mwinye mu veye avalina vange, ni mu kola vindu vya mmu laga.

Varumi 10:5

Kigira Musa a ng'oda, mundu u kola bulungi bwelilaga a la va mwoyo kubwo.

Kwidzulitsa 1:3

Ga duka ku muhiga gwa kola makumi gane, mweli gwelikumi na mulala, lidiku lyokutanga mweli, Musa ya volera avana va Israeli, kuli gosi ga Yahova ya mu ha gokuvalaga;

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 11:1

Kigira yaga u yanze Yahova Nyasaye wowo, nokugumira lyeganehidza lilye, miima gyigye, nelikalaga lilye, namalago gege, kazozo.

Kwidzulitsa 11:32

Mu henze mu kole miima nelikalaga lyosi lya mbikanga imbili wenyu lero.

Kwidzulitsa 13:1

Na a va na a duka hagati hoho muprofeti, kinga muloti wamaloto, na a ku vulira kilolekidzu, kinga kyokugennya,

Kwidzulitsa 16:20

U la londa yaga aga veye bulungi ligali, u duke kuva mwoyo, nokunyola kivala gya Yahova Nyasaye wowo a ku ha.

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Kwidzulitsa 30:19

Nanganga ligulu nelirova kulolekidza ku mwinye lero kuli mbikiye imbiri wa ive livamwoyo nelikudza, ubugasu nevilaamo: kunangwa u tovole livamwoyo, u duke kuva mwoyo, ive navana vovo;

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 4:45

yili nilyo lilolekidza, na malago, nelikalaga, lya Musa ya volera avana va Israeli, inyinga va twula Egepeti,

Kwidzulitsa 4:8

Kandi ha veye nehiri inene ki, i veye namalago nelikalaga lyobulungi kuli lilaga yili lyosi, lya mbikanga imbiri wenyu lero?

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 6:1

Henza, yaga nigo namalago, nemiima namakalago, ga Yahova Nyasaye wenyu ya laga kumwegidza, mu duke kugakola mu kivala ha mwambuka kukigumira;

Kwidzulitsa 6:24

Na Yahova ya ku laga kukola amalago yaga gosi, nokutia Yahova Nyasaye wetu, bu duke kuva ubulahi ku kwinye madiku gosi, a ku honnye ku ve mwoyo, kuli ga veye lero.

Kwidzulitsa 7:11

Kunangwa u la gumira malago, nemiima namakalago, aga nku laganga lero, i kugakola.

Kwidzulitsa 8:1

Amalago gosi ga nku lagi lero mu ga gumire kugakola, mu duke kuva mwoyo, nokumedeka, nokwingira, mu gumire kivala kya Yahova yesuhira avaguga venyu.

Kwidzulitsa 8:11

Welinde gase u livirira Yahova Nyasaye wowo, ku livula kugumira malago gege, nelikalaga lilye, ne miima gyigye gya nku laganga lero:

Kwidzulitsa 9:1

Hulira, O Israeli: lero ndi u lambuka Yordani, na wingire kugumira tsihiri tsinene netsyetsingulu kuvita ive, madala manene agombakwa amadigi kuduka migulu,

Joshua 3:9

Na Joshua ya volera avana va Israeli, Hambi hano, mu huliri makuva ga Yahova Nyasaye wenyu.