Kwidzulitsa 32:5 - KITABU KITAKATIFU

⁵ Veyononyi, si va veye avana veve, imbala i veye yavo; Va veye likula lidamano lyobukyamu.

Kwidzulitsa 32:5 Iomraidhean Croise

Litanga 6:12

Kandi Nyasaye ya lola lirova, na, henza, lya li ni lyoneki; kigira vyemibiri vyosi vyononya inzira yavyo ku lirova.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Tsing'ano 8:8

Amakuva gosi gomunwa gwange ga veye ubulungi; Si ha veye nekindu kyobukyamu kinga vyokuvoyonkana mugo.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Zefania 3:7

Nda vola, Ligali u ntie; u bugirire kuhebwa mageli; kuduka ubumenyo bwibwe bu la vula kutwu lidzwa, kuli gosi aga nda laga ku makuva gege; navutswa va vuka mabwebwe ni vononnya likola lyavo lyosi.

Livalidza 23:21

Si a loli ubudamano mu Yakobo; Kandi si a loli ubukyamu mu Israeli: Yahova Nyasaye wewe a veye halala naye, Na lihanzuka lyomwami li veye hagati havo.

Matayo 16:4

Likula lidamano nelyobuheyi lyenya kyokuloiekidzira; navutswa si li la hebwa kyokulolekidzira mba, navutswa kyokulolekidzira kya Jona kyeng'ine. Ya va leka na a tsia.

Matayo 17:17

Yesu ya tivula na a vola, Likula li ta li nelisuuvira nelyokuhinga, nda va na mwinye kuduka inyinga ki? Nda mu vererera kuduka inyinga ki? Mu mu lete hano ku inze.

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Luka 9:41

Yesu ya tivula na a vola, Mwinye likula li ta suuvira nelihingi, nda va nemwinye kuduka inyinga ki? Kandi nda mu vererera kuduka inyinga ki? Leta mwana wowo hano.

Yohana 8:41

Mwinye mu kola miyinzi gya dada wenyu. Va mu volera, Kwinye si kwivulwa indasimba; ku veye na dada mulala yeng'ine, ni Nyasaye.

Vikolwa 2:40

Na a va mannya amakuva gandi manyingi, na a veganehidza, na a vola, Mwehonnye ku likula yili likyamu.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

Kwidzulitsa 31:29

Kigira mmanya inyima welikudza lyange mu leyononya ligali, nokugirunkana ku inzira ya nda mu laga; mmadiku gekiheri ubudamano bu la mu nyola, kigira mu la kola budamano mumoni mwa Yahova, kumuvukidza ubutima kigira miyinzi gyamakono genyu.

Kwidzulitsa 32:20

Na a vola, Nda visa mumoni mwange kuvo Nda lola kiheri kyavo ki la va ndi: Kigira va veve likula lidamano Avana ava ta li nobusuuvirifu.

Kwidzulitsa 4:16

gase mu lyeyononya, nokwelombera vifwananyi vya vadzwa, nelifwana neligondo ku gosi, ku lifwana lyoweliisatsa kinga lyowekikali,

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 9:24

Mwa li nobutingu ku Yahova kutwula lidiku lya nda tanga kumanya mwinye.

Vafilipi 2:15

mu duke kuva avana va Nyasaye ava ta li nekindu kuvo, kandi avobuhokya, ava ta li nembala mu makula makyamu nagekirage aga mu lolekera mu kuva kuli avamulika mu lirova,

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.