Kwidzulitsa 32:4 - KITABU KITAKATIFU

⁴ Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Kwidzulitsa 32:4 Iomraidhean Croise

Litanga 1:31

Na Nyasaye ya lola vindu vyosi vya ya li hulomba, na henza, vya li vilahi ligali. Na gwa li mgolova na gwa li muvamba, lidiku lya gatano nelilala.

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

2 Samweli 22:47

Yahova a veye mwoyo; lwanda lwange lu gasidzwe; Na a nenehidzwe Nyasaye, lwanda lwobuhonnyi bwange,

2 Samweli 23:3

Nyasaye wa Israeli ya vola, Lwanda lwa Israeli ya volera inze: Uyu wamehanga ku avandu nobulungi, Uyu yamehanga mu litibwa lya Nyasaye,

2 Kyetsinyinga 19:7

Kunangwa, kalunu, litibwa lya Yahova li ve ku mwinye; mwelinde mu kole: kigira ku Yahova Nyasaye wetu, si ha veye nobuda mano, kinga kuhenza amagondo, kinga kuvugula vikukula.

Nehemia 9:8

na wa lola mwoyo gwigwe kuva nobusuuvirifu imbiri wowo, na wa lomba lilagana halala naye kumuha kivala kya Mu kanani, na Muhiti, na Muamori, na Muperizi, na Mujebusi, na Mugiri gashi, kukihaana ku kisukululwi kikye, na u dukidzi makuva gogo; kigira ive u veye mulungi.

Ayubu 34:10

Kigira yaga mu hulire inze, mwinye avandu velimanya: Li ve ihale ku Nyasaye likola ubukyamu Noku Wanyala Vyosi, likola ubudamano.

Ayubu 35:14

Nasindi lwa ive u volanga, Si u mu henza, Likuva yilyo li veye imbiri wewe, na u lindiriranga uyu

Ayubu 36:23

Ni bwaha wa mu laga inzira yeye? Kinga ni bwaha u nyala kuvola, Ive u kolanga ga ta li bulungi?

Ayubu 8:3

Nyasaye a kyaminyanga likalaga? Kinga Wanyala Vyosi a kyaminyanga agobulungi?

Zaburi 100:5

Kigira Yahova a veye mulahitsimbabasi tsyobuyanzi tsitsye tsi veye tsyemihiga nemihiga, Nobusuuvirifu bwibwe bu dukanga ku makula gosi

Zaburi 138:8

Yahova a la ndukidzira aga veye agange; O Yahova, tsimbabasi tsitsyo tsi reye ho mihiga nemihiga; U ta leka miyinzi gyamakono gogo.

Zaburi 145:17

Yahova a veye mulungi ku tsinzira tsitsye tsyosi, Na a veye wetsimbabasi mu miyinzi gyigye gyosi.

Zaburi 146:6

Uyu wa lomba liguhl na lirova, Inyanza, na vyosi vi veye muyo; Uyu u lindanga ageligali mihiga nemihiga;

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 18:46

Yahova a veye mwoyo; na lu gasidzwe lwanda lwange; Nyasaye wobuhonnyi bwange a nenehidzwe.

Zaburi 19:7

Likalaga lya Yahova li veye lidukiru, kugirunkannya mwoyo: Lilolekidza lya Yahova li veye lyeligali, kugerihidza avasiru.

Zaburi 31:5

Mbika mwoyo gwange mmukonogugwo: Ive u ntungiye, O Yahova, ive Nyasaye weligali.

Zaburi 33:4

Kigira likuva lya Yahova ni lilungi; Na miyinzi gyigye gyosi gyi veye nobusuuvirifu.

Zaburi 78:35

Na vidzulitsa Nyasaye a veye lwanda lwavo Na Nyasaye Weigulu Ligali mu honyi wavo.

Zaburi 9:16

Yahova yelolekidzi mwene, a lombi likalaga: Mudamano u tegeywi mu likola lyamakono gege mwene. (Higaion. Selaha)

Zaburi 90:16

Miyinzi gyigyo gyi loleke ku avatumekiri vovo, Na ubukumi bubwo ku avana vavo.

Zaburi 92:15

Kulolekidza Yahova a veye nobulungi; A veye ulwanda lwange, na si ha veye nobukyamu muye.

Zaburi 97:2

Malesi na kisundi vi mu kumbiridza: Ubulungi na likalaga vi veye muse gwentebe yeye yobwami.

Zaburi 98:3

Yidzulitsi tsimbabasi tsitsye na ubusuuvirifu bwibwe ku inyumba ya Israeli: Tsindulu tsyosi tsyelirova tsi loli ubuhonnyi bwa Nyasaye wetu.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Kutwula 34:6

Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Kohelethu 3:14

Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe.

Isaya 17:10

Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 28:16

kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 9:24

navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Habakuk 1:13

Ive u veye netsimoni tsindahi, tsi ta nyala kulola ubudamano, na u ta nyala kulola ubukyamu, kigira ki u henzanga yavo ava kolanga ubu gadi, na ive u kiring'ananga inyinga mudamano a miranga mundu wobulungi bu vita bwo mwene uyu;

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Matayo 5:48

Mu veye avadukanu kuli Dada wenyu womigulu a veye mudukanu.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 5:22

Kigira Dada si a kalagira mundu, navutswa u mali kuha Mwana likalaga lyosi;

Varumi 1:32

Ava manya amalago ga Nyasaye, ndi, ava kola vindu yivi va dukana nelikudza, na si va kola yivi vutswa, navutswa va yanzana nava vi kolanga.

Varumi 2:2

Kwinye ku manya ligali likalaga lya Nyasaye li veye mu ageligali ku vosi ava londanga vindu yivi.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Varumi 3:5

Navutswa kirage kyetu ni ki nyolira ubulungi bwa Nyasaye, lidzominywa, ku vole ndi? Nyasaye a veye nekirage u letanga kivi? (Mbola kuli mundu.)

1 Vakorintho 10:4

kandi vosi va nwa kyokunwa kilala kya roho: kigira va nwa ku lwanda lwa roho lwa va londa: nolwanda yilwo lwa li Kristo.

Kwidzulitsa 10:18

A dukidziranga mbisandu nomukunzakali likalaga, nokuyanza mugeni, nokumuha, vyokulia netsingubo.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:18

U vuli kwidzulitsa Lwanda lwa kwivula Wiviriye Nyasaye wa kwivula.

Kwidzulitsa 7:9

Kunangwa u manye Yahova Nyasaye wowo, niye Nyasaye, Nyasaye musuuvirifu, u dukidzanga lilagana netsimbabasi ku va mu yanzanga, ava gumiranga malago gege kuduka makula tsielfu,

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 4:12

Mulala weng'ine a veye mulombi wamalago nomukalagi, niye u nyalanga kuhonnya nokudividza: navutswa ive u veye ibwaha u kalagiranga mutende wowo?

1 Petro 2:6

Kigira livoia yili li veye mu mang'oda, Henza, mbika mu Zioni ligina linene lyolwiga, litovole, lyobukumi: Kandi u mu suuvira si a la legannywa.

1 Samweli 2:2

Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.